Opna konkursar, 1. kvartal 2004

17 prosent av alle opna konkursar i 1. kvartal 2004 var i Oslo mot 22 prosent i føregåande kvartal. Frå 4. kvartal 2003 til 1. kvartal 2004 har Oslo hatt ein nedgang i talet på opna konkursar på 22 prosent. Den største auken i talet på opna konkursar i same periode finn vi i Hedmark, med nesten 59 prosent. Samanlikna med 1. kvartal 2003, er det ein nedgang i alle fylka, utanom Rogaland, Sør-Trøndelag og Troms.

Færre konkursar i informasjonssektoren

IKT-sektoren og innhaldssektoren utgjer til saman informasjonssektoren. I informasjonssektoren samla har talet på opna konkursar gått ned med 26 prosent frå 1. kvartal 2003 til 1. kvartal 2004. IKT-sektoren har hatt ein nedgang på nesten 23 prosent i talet på opna konkursar. Innhaldssektoren har hatt ein nedgang på 36 prosent i same periode. I innhaldssektoren finn vi forlagsverksemd, informasjonstenester, radio og fjernsyn og film og video.

Færre enkeltpersonsføretak konkurs

Talet på opna konkursar i enkeltpersonsføretak inkludert personlege konkursar har gått ned med 30 prosent frå 1. kvartal 2003 til 1. kvartal 2004, medan det i same periode har vore ein auke på 1 prosent for føretakskonkursar eksklusive enkeltpersonsføretak.

Meir i Statistikkbanken

Opna konkursar attende til 1999 er tilgjengelege i Statistikkbanken. Konkursar kan her fordelast etter næring, organisasjonsform, etableringsår og storleik etter omsetning og sysselsette. Også tal på omsetning og sysselsette totalt innafor kvar næring er tilgjengeleg, men ikkje brote ned på meir detaljert nivå. Talet på konkursar er tilgjengeleg på fylkesnivå og nasjonalt nivå, medan omsetning og sysselsette i siste driftsår berre er tilgjengeleg på nasjonalt nivå.

Tabeller:

• Tabell 1 Opna konkursar, etter kvartal og fylke. 2003-1. kvartal 2004
• Tabell 2 Opna konkursar, etter månad. 1996-2003 og 1. kvartal 2004
• Tabell 3 Opna konkursar etter næring. 1. kvartal 2003 og 2004
• Tabell 4 Opna konkursar, omsetning og sysselsette, etter næring. 1. kvartal 2003 og 2004. Omsetning og sysselsette i siste driftsår
• Tabell 5 Opna konkursar i varehandel, etter næring. 1. kvartal 2003 og 2004
• Tabell 6 Opna konkursar i varehandel, omsetning og sysselsette, etter næring. 1. kvartal 2003 og 2004
• Tabell 7 Opna konkursar i informasjonssektoren (IKT-sektoren og innhaldssektoren), omsetning og sysselsette, etter næring. 1. kvartal 2003 og 2004
• Tabell 8 Opna konkursar, etter etableringsår og fylke. 1. kvartal 2003 og 2004
• Tabell 9 Opna konkursar, etter fylke og aksjekapital. 1. kvartal 2003 og 2004
• Tabell 10 Opna konkursar, etter fylke og organisasjonsform. 1. kvartal 2003 og 2004