Opna konkursar, 4. kvartal 2006

Totalt vart det registrert 3 032 konkursar i fjor. Ein tredjedel av dei finn vi i Oslo og Akershus, der også om lag 30 prosent av alle norske føretak er lokalisert. I nesten alle fylka gjekk talet på konkursar ned. Den største prosentvise nedgangen var i Nordland med 29 prosent færre konkursar i 2006, medan nedgangen i absolutte tal var størst i Oslo med 137 færre konkursar.

Færre konkursar i 2006 totalt

To av tre konkursar var såkalla føretakskonkursar som omfattar alle føretak unntatt enkeltpersonføretak. I fjor var det nesten 10 prosent færre føretakskonkursar enn i 2005. Ein av tre føretakskonkursar finn vi innanfor varehandel.

Dei resterande 1 080 konkursane gjaldt enkeltpersonføretak som også inkluderer personlege konkursar. Nedgangen låg på 22 prosent samanlikna med 2005. Ein tredjedel av enkeltpersonføretaka som gjekk konkurs i fjor, dreiv innanfor byggje- og anleggsverksemd.

men auke i fjerde kvartal

I fjerde kvartal i fjor vart det opna 788 konkursar. Dette er ein auke på 18,5 prosent samanlikna med same periode året før.

Tabeller:

• Tabell 1 Opna konkursar, etter kvartal og fylke. 2005 og 2006
• Tabell 2 Opna konkursar, etter månad. 1998-2006
• Tabell 3 Opna konkursar, etter næring. 4. kvartal 2005 og 2006
• Tabell 4 Opna konkursar, omsetning og sysselsette, etter næring. 2005 og 2006
• Tabell 5 Opna konkursar i varehandel, etter næring. 4. kvartal 2005 og 2006
• Tabell 6 Opna konkursar i varehandel, omsetning og sysselsette, etter næring. 1.-4. kvartal 2005 og 2006
• Tabell 7 Opna konkursar i informasjonssektoren (IKT-sektoren og innhaldssektoren), omsetning og sysselsette, etter næring. 4. kvartal 2005 og 2006
• Tabell 8 Opna konkursar i informasjonssektoren (IKT-sektoren og innhaldssektoren), omsetning og sysselsette, etter næring. 2005 og 2006
• Tabell 9 Føretakskonkursar ekskl. enkeltpersonføretak, etter etableringsår og fylke. 4. kvartal 2005 og 2006
• Tabell 10 Opna konkursar (AS og ASA), etter fylke og aksjekapital (i kr). 4. kvartal 2005 og 2006
• Tabell 11 Opna konkursar, etter fylke og organisasjonsform. 4. kvartal 2005 og 2006
• Tabell 12 Enkeltpersonføretak inkl. personlege konkursar, etter fylke og innehavarens kjønn. 4. kvartal 2006
• Tabell 13 Enkeltpersonføretak inkl. personlege konkursar, etter næring og innehavarens kjønn. 4. kvartal 2006