Opna konkursar, 3. kvartal 2007

Den største prosentvise nedgangen var i fylka Møre og Romsdal, Rogaland og Akershus som hadde mellom 55 og 44 prosent færre konkursar enn i tredje kvartal 2006. Møre og Romsdal har òg den største absolutte nedgangen med 22 færre konkursar.

I Oslo, Buskerud, Aust-Agder, Vest-Agder og Sør-Trøndelag gjekk talet på konkursar opp. Størst vekst var det i Oslo, der det vart opna 12 fleire konkursar, eller 8 prosent, fleire enn i tredje kvartal i fjor.

385 av konkursane er føretakskonkursar som ikkje omfattar enkeltpersonføretak. Ein av tre føretakskonkursar er innanfor varehandel. Dei resterande 198 konkursane omfattar enkeltpersonføretak og personlege konkursar. Av dei er ein av tre innanfor byggje- og anleggsverksemd. Totalt i denne næringa gjekk talet på konkursar ned med 18,5 prosent samanlikna med det same kvartalet i 2006.

Uendra innanfor informasjonssektoren

Informasjons- og kommunikasjonsteknologi (IKT) (det vil seie verksemder innanfor industri, varehandel og konsulenttenester knytte til IKT) og innhaldssektoren (mellom anna forlag, radio og fjernsyn), utgjer til saman informasjonssektoren. Både i tredje kvartal 2007 og tredje kvartal 2006 var det i alt 44 konkursar innanfor desse næringane. Talet på personar som var sysselsette i dei IKT-føretaka som gjekk konkurs, gjekk derimot ned frå 75 i tredje kvartal 2006 til 35 i den same perioden i år.

Tabeller:

• Tabell 1 Opna konkursar, etter kvartal og fylke. 2006-3. kvartal 2007
• Tabell 2 Opna konkursar, etter månad. 1999-2006 og 1.-3. kvartal 2007
• Tabell 3 Opna konkursar, etter næring. 3. kvartal 2006 og 2007
• Tabell 4 Opna konkursar, omsetning og sysselsette, etter næring. 1.-3. kvartal 2006 og 2007
• Tabell 5 Opna konkursar i varehandel, etter næring. 3. kvartal 2006 og 2007
• Tabell 6 Opna konkursar i varehandel, omsetning og sysselsette, etter næring. 1.-3. kvartal 2006 og 2007
• Tabell 7 Opna konkursar i informasjonssektoren (IKT-sektoren og innhaldssektoren), omsetning og sysselsette, etter næring. 3. kvartal 2006 og 2007
• Tabell 8 Føretakskonkursar ekskl. enkeltpersonføretak, etter etableringsår og fylke. 3. kvartal 2006 og 2007
• Tabell 9 Opna konkursar (AS og ASA), etter fylke og aksjekapital (i kr). 3. kvartal 2006 og 2007
• Tabell 10 Opna konkursar, etter fylke og organisasjonsform. 3. kvartal 2006 og 2007
• Tabell 11 Enkeltpersonføretak inkl. personlege konkursar, etter fylke og innehavarens kjønn. 3. kvartal 2006 og 2007
• Tabell 12 Enkeltpersonføretak inkl. personlege konkursar, etter næring og innehavarens kjønn. 3. kvartal 2006 og 2007