Opna konkursar, 2. kvartal 2008

Den største prosentvise auken finn vi i Vest-Agder med 400 prosent fleire konkursar, følgt av Aust-Agder med 162,5 prosent og Oppland med 150 prosent. Troms, Finnmark og Akershus er dei einaste fylka der talet på konkursar gjekk ned. Nedgangen var på høvesvis 50, 33 og 19,6 prosent.

Ni av ti føretak som gjekk konkurs i andre kvartal, er aksjeselskap eller enkeltpersonføretak (som òg inkluderer personlege konkursar). Dette tilsvarar delen av føretak med desse organisasjonsforma i bestanden. Talet på aksjeselskap som gjekk konkurs, gjekk opp med 38,6 prosent, medan det var 10 prosent fleire konkursar innanfor enkeltpersonføretak og personlege konkursar. Norskregistrerte utanlandske føretak (NUF) sto for 7,2 prosent av alle konkursane i siste kvartal , medan dei berre utgjer 1,9 prosent av føretaka..

Flest føretakskonkursar innanfor varehandel

589 av de 875 konkursane er såkalla føretakskonkursar som omfattar alle føretak unnateke enkeltpersonføretak. Ein tredel av dei er innanfor varehandel, reparasjon av kjøretøy og reparasjon av hushaldsapparat, medan 21 prosent er registrert innanfor eigedomsdrift, forretningsmessig tenesteyting og utleige. Innanfor sistnemnte næring var det ein auke i konkursar på 72 prosent samanlikna med andre kvartal i fjor.

Dei resterande 286 konkursane omfattar enkeltpersonføretak og personlege konkursar. Kvar tredje av desse dreiv innanfor byggje- og anleggsverksemd.

Kvinner går sjeldnare konkurs

Berre 8 prosent av innehavarane i enkeltpersonføretak som gjekk konkurs i 2007, var kvinner, medan totalt eit av fire enkeltpersonføretak er drivne av kvinner.

13 prosent av eigarane i enkeltpersonføretak og 3,5 prosent av eigarane i aksjeselskap som gjekk konkurs i perioden, var personar med ikkje-vestleg bakgrunn. I alt er 6 prosent av eigarane i enkeltpersonføretak og 2 prosent av eigarane i aksjeselskap personar med ikkje-vestlig bakgrunn.

Hittil i år er det totalt 1 628 konkursar, 3,6 prosent fleire samanlikna med den same perioden i 2007.

Tabeller:

• Tabell 1 Opna konkursar, etter kvartal og fylke. 2007-2. kvartal 2008
• Tabell 2 Opna konkursar, etter månad. 2000-2007og 1.-2. kvartal 2008
• Tabell 3 Opna konkursar, etter næring. 2. kvartal 2007 og 2008
• Tabell 4 Opna konkursar, omsetning og sysselsette, etter næring. 1.-2. kvartal 2007 og 2008
• Tabell 5 Opna konkursar i varehandel, etter næring. 2. kvartal 2007 og 2008
• Tabell 6 Opna konkursar i varehandel, omsetning og sysselsette, etter næring. 1.-2. kvartal 2007 og 2008
• Tabell 7 Opna konkursar i informasjonssektoren (IKT-sektoren og innhaldssektoren), omsetning og sysselsette, etter næring. 2. kvartal 2007 og 2008
• Tabell 8 Føretakskonkursar ekskl. enkeltpersonføretak, etter etableringsår og fylke. 2. kvartal 2007 og 2008
• Tabell 9 Opna konkursar (AS og ASA), etter fylke og aksjekapital (i kr). 2. kvartal 2007 og 2008
• Tabell 10 Opna konkursar, etter fylke og organisasjonsform. 2. kvartal 2007 og 2008
• Tabell 11 Enkeltpersonføretak inkl. personlege konkursar, etter fylke og innehavarens kjønn. 2. kvartal 2007 og 2008
• Tabell 12 Enkeltpersonføretak inkl. personlege konkursar, etter næring og innehavarens kjønn. 2. kvartal 2007 og 2008
• Tabell 13 Rolleinnehavarar i personleg eigde føretak, etter kjønn, alder, landbakgrunn, utdanningsnivå og næring. 2007
• Tabell 14 Eiere i aksjeselskaper (AS og ASA), etter kjønn, alder, landbakgrunn, utdanningsnivå og næring. 2007