Opna konkursar, 4. kvartal 2008

I fjerde kvartal i fjor vart det opna 1 175 konkursar. Heile året vart det registrert 3 637 konkursopningar. Den største prosentvise auken frå 2007 til 2008 finn vi i Vest-Agder med 170 prosent fleire konkursar. Rogaland er fylket med den største auken i absolutte tal med 96 fleire konkursar. Tromsø og Finnmark er dei einaste fylka der talet på opna konkursar gjekk ned. Nedgangen var på høvesvis 13 og 35 prosent.

Tre av fire konkursar, i alt 2 600, var såkalla føretakskonkursar som omfattar alle føretak unntatt enkeltpersonføretak. I fjor var det 41 prosent fleire føretakskonkursar enn i 2007. Ein av tre føretakskonkursar finn vi innanfor varehandel.

Dei resterande 1 037 konkursane gjaldt enkeltpersonføretak som òg inkluderer personlege konkursar. Auken låg på 3,6 prosent samanlikna med 2007. Over ein tredel av enkeltpersonføretaka som gjekk konkurs i fjor, dreiv innanfor byggje- og anleggsverksemd.

Auke i konkursar av norskregistrerte utanlandske føretak

Ni av ti føretak som gjekk konkurs i 2008, var anten aksjeselskap eller enkeltpersonføretak (som òg omfattar personlege konkursar). Dette tilsvarar delen som føretak med desse organisasjonsformene utgjer i bestanden av alle føretak. 7,8 prosent av alle konkursane i fjor var norskregistrerte utanlandske føretak (NUF). Talet på konkursar innanfor denne organisasjonsforma auka frå 211 i 2007 til 285 i fjor.

Tabeller:

• Tabell 1 Opna konkursar, etter kvartal og fylke. 2007 og 2008
• Tabell 2 Opna konkursar, etter månad. 2000-2008
• Tabell 3 Opna konkursar, etter næring. 4. kvartal 2007 og 2008
• Tabell 4 Opna konkursar, omsetning og sysselsette, etter næring. 2007 og 2008
• Tabell 5 Opna konkursar i varehandel, etter næring. 4. kvartal 2007 og 2008
• Tabell 6 Opna konkursar i varehandel, omsetning og sysselsette, etter næring. 1.-4. kvartal 2007 og 2008
• Tabell 7 Opna konkursar i informasjonssektoren (IKT-sektoren og innhaldssektoren), omsetning og sysselsette, etter næring. 4. kvartal 2007 og 2008
• Tabell 8 Opna konkursar i informasjonssektoren (IKT-sektoren og innhaldssektoren), omsetning og sysselsette, etter næring. 2007 og 2008.
• Tabell 9 Føretakskonkursar ekskl. enkeltpersonføretak, etter etableringsår og fylke. 4. kvartal 2007 og 2008
• Tabell 10 Opna konkursar (AS og ASA), etter fylke og aksjekapital (i kr). 4. kvartal 2007 og 2008
• Tabell 11 Opna konkursar, etter fylke og organisasjonsform. 4. kvartal 2007 og 2008
• Tabell 12 Enkeltpersonføretak inkl. personlege konkursar, etter fylke og innehavarens kjønn. 4. kvartal 2007 og 2008
• Tabell 13 Enkeltpersonføretak inkl. personlege konkursar, etter næring og innehavarens kjønn. 4. kvartal 2007 og 2008