Opna konkursar, 2. kvartal 2009

Den største prosentvise auken finn vi i Finnmark (187 prosent), Troms (153 prosent), Vestfold (109 prosent) og Akershus (109 prosent). Akershus er óg fylket med den største auken i absolutte tal, med 85 fleire konkursar. Oppland er det einaste fylket der talet på opna konkursar gjekk ned (-4 prosent).

Sju av ti konkursar - i alt 1 021 - var såkalla føretakskonkursar, altså konkursar som omfattar alle føretak unnateke einskildpersonføretak. Ein av tre føretakskonkursar finn vi innanfor varehandel, medan kvar femte var innanfor byggje- og anleggsbransjen.

Dei resterande 363 konkursane gjaldt einskildpersonføretak, som óg inkluderer personlege konkursar. 38 prosent av dei var innanfor byggje- og anleggsverksemd, medan 15 prosent fann stad innanfor transport og lagring.

Hittil i år har det blitt opna 2 802 konkursar, 72 prosent fleire enn i same periode i fjor.

Framleis auke i talet på norskregistrerte utanlandske føretak

Norskregistrerte utanlandske føretak (NUF) stod for 10,7 prosent av alle konkursane i andre kvartal i år. I same tidsrom i fjor låg denne delen på 7,2 prosent. I andre kvartal i år gjekk over dobbelt så mange NUF konkurs som i same kvartal i fjor.

Få kvinner går konkurs

Berre 7,6 prosent av innehavarane i einskildpersonføretaka som gjekk konkurs i 2008, var kvinner. Dette til tross for at rundt 25 prosent av alle einskildpersonføretaka er drivne av kvinner.

Tabeller:

• Tabell 1 Opna konkursar, etter kvartal og fylke. 2008 og 1. og 2. kvartal 2009
• Tabell 2 Opna konkursar, etter månad. 2001-1. og 2. kvartal 2009
• Tabell 3 Opna konkursar, etter næring. 2. kvartal 2008 og 2009
• Tabell 4 Opna konkursar, omsetning og sysselsette, etter næring. 2. kvartal 2008 og 2009
• Tabell 5 Opna konkursar i varehandel, etter næring. 2. kvartal 2008 og 2009
• Tabell 6 Opna konkursar i varehandel, omsetning og sysselsette, etter næring. 2. kvartal 2008 og 2009
• Tabell 7 Opna konkursar i informasjonssektoren (IKT-sektoren og innhalds- og mediesektoren), omsetning og sysselsette, etter næring. 2. kvartal 2008 og 2009
• Tabell 8 Opna konkursar (AS og ASA), etter fylke og aksjekapital (i kr). 2. kvartal 2008 og 2009
• Tabell 9 Opna konkursar, etter fylke og organisasjonsform. 2. kvartal 2008 og 2009
• Tabell 10 Rolleinnehavarar i personleg eigde føretak, etter kjønn, alder, landbakgrunn, utdanningsnivå og næring. 2008
• Tabell 11 Eiere i aksjeselskaper (AS og ASA), etter kjønn, alder, landbakgrunn, utdanningsnivå og næring. 2008