Innhald
Publisert:
Du er inne i ei arkivert publisering.
Ørliten nedgang i talet på konkursar
Talet på konkursar heldt seg stabilt. I 1. kvartal 2015 blei det opna 1 294 konkursar, 0,4 prosent færre enn i det same kvartalet i 2014.
| Mars 2015 | Endring i prosent | 1. kvartal 2015 | Endring i prosent | |
|---|---|---|---|---|
| Mars 2014 - Mars 2015 | 1. kvartal 2014 - 1. kvartal 2015 | |||
| Opna konkursar i alt | 460 | -1,9 | 1 294 | -0,4 |
| Føretakskonkursar | 337 | -0,9 | 962 | 4,5 |
| Personlege konkursar, inklusive einskildpersonføretak | 123 | -4,7 | 332 | -12,2 |
| Konkursar innanfor byggje- og anleggsverksemd | 132 | 0,8 | 361 | 0,6 |
| Konkursar innanfor varehandel og reparasjon av motorvogner | 83 | -18,6 | 275 | -11,0 |
Oppland, Aust-Agder og Finnmark var fylka med den største prosentvise nedgangen, med høvesvis 38, 28 og 26 prosent færre konkursar samanlikna med det første kvartalet i fjor. Den største prosentvise auken finn vi i Sogn og Fjordane kor talet på konkursar dobla seg. I Nordland og Buskerud var det høvesvis 81 og 40 prosent fleire konkursar. Også oppgangen i absolutte tal var størst i desse tre fylka med 13, 34 og 21 fleire konkursar.
Tre av fire konkursar, i alt 962, var føretakskonkursar som omfattar alle føretak unnateke einskildpersonføretak. 26 prosent av føretakskonkursane var innanfor varehandel og reparasjon av motorvogner. Dei resterande 332 konkursane var personlege konkursar og einskildpersonføretak. 41 prosent av desse føretaka dreiv innanfor byggje- og anleggsverksemd.
Kontakt
-
Harald Fondevik
E-post: harald.fondevik@ssb.no
tlf.: 40 90 24 47