Auke i ledige stillingar

Publisert:

10. februar 2021

Talet på ledige stillingar gjekk opp med 2 700 frå 3. til 4. kvartal 2020. Etter at koronakrisa trefte Noreg i mars, såg vi ein nedgang i ledige stillingar i 2. kvartal, etterfølgd av ein auke i 3. kvartal. Denne auken heldt fram i 4. kvartal.

Forfattar: Rakel Gading

Tala er henta frå
Ledige stillingar

Artikkelen er del av serien
Ledige stillingar (arkiv)

Talet på ledige stillingar gjekk opp frå 62 900 til 65 600 i 4. kvartal, viser sesongjusterte tal frå statistikken Ledige stillingar. Denne endringa svarer til ein auke på fire prosent. Den sesongjusterte prosentdelen av ledige stillingar var på 2,3 i 4. kvartal. Nivået er uendra frå førre kvartal.

Figur 1 viser at sesongmønsteret har endra seg det siste året. Før 2020 gjekk talet på ledige stillingar som ikkje er justert som regel ned frå 3. til 4. kvartal, medan det i 2020 har auka litt. Dette kan sjåast i samanheng med koronakrisa. Effekten av koronakrisa inngår ikkje i grunnlaget for sesongmønsteret. Les meir om korleis koronakrisa blir behandla i denne statistikken nedst i artikkelen.

Figur 1. Ledige stillingar. Trend, sesongjusterte og ujusterte tal

	Sesongjustert	Trend	Ujustert
4. kv. 2010	63200	63700	55800
1. kv. 2011	65800	66300	68900
2. kv. 2011	71600	69600	78500
3. kv. 2011	70100	70500	68000
4. kv. 2011	70100	69500	62200
1. kv. 2012	66200	67200	69200
2. kv. 2012	65100	64600	72000
3. kv. 2012	63500	64000	60900
4. kv. 2012	65600	64900	57800
1. kv. 2013	64400	65700	67600
2. kv. 2013	67700	65400	74300
3. kv. 2013	61500	62000	59100
4. kv. 2013	57400	58300	50900
1. kv. 2014	58800	57900	61800
2. kv. 2014	59100	58300	64800
3. kv. 2014	56900	57500	54100
4. kv. 2014	59800	57100	53700
1. kv. 2015	57600	56600	60400
2. kv. 2015	56600	54700	62800
3. kv. 2015	52100	52500	49500
4. kv. 2015	50300	51100	45000
1. kv. 2016	53000	50700	55300
2. kv. 2016	51100	51900	56200
3. kv. 2016	54900	53900	52300
4. kv. 2016	54200	56000	48700
1. kv. 2017	56000	57900	58300
2. kv. 2017	58900	59200	65400
3. kv. 2017	59900	60700	56700
4. kv. 2017	64100	63500	58000
1. kv. 2018	66000	66300	68400
2. kv. 2018	68300	68300	75200
3. kv. 2018	71900	68800	68400
4. kv. 2018	65500	69100	59700
1. kv. 2019	73000	71900	75700
2. kv. 2019	76500	74400	84500
3. kv. 2019	69400	73200	65800
4. kv. 2019	70700	70100	63900
1. kv. 2020	69100	67700	71600
2. kv. 2020	54100	55100	59900
3. kv. 2020	62900	62900	59400
4. kv. 2020	65600	65000	60000

Flest ledige stillingar innan pleie- og omsorgstenesta

Utviklinga i ledige stillingar frå 3. til 4. kvartal varierer som vanleg på tvers av næringar. Førre kvartal var det størst vekst i talet på ledige stillingar i pleie- og omsorgstenesta. Også i dette kvartalet auka nivået og det er dermed den næringa med flest ledige stillingar totalt. Størst auke i talet på ledige stillingar finn vi innan informasjon og kommunikasjon og helsetenester, med høvesvis 1300 og 1200 fleire ledige stillingar. Forretningsmessig tenesteyting har den største nedgangen med 900 færre ledige stillingar enn førre kvartal.

Handtering av koronakrisa i statistikken over ledige stillingar

Koronakrisa påverkar statistikken over ledige stillingar på fleire vis som er viktig å ta omsyn til når ein tolkar tala. I dei sesongjusterte tala har vi følgt Eurostat sine retningslinjer som seier at effekten av koronakrisa ikkje skal inngå i grunnlaget for sesongmønsteret. Det inneber at vi frå og med 2. kvartal 2020 antar at sesongmønsteret er uendra, og at vi korrigerer for den systematiske sesongvariasjon berekna på data før koronakrisa. Vi gjer dette frå og med 2. kvartal fordi referansetidspunktet for 1. kvartal i statistikken over ledige stillingar er utgangen av februar, altså månaden før koronakrisa inntrefte.

Talet på arbeidsforhold (jobbar), som vil seie størstedelen av nemnaren i prosentdelen ledige stillingar, har i fleire næringar gått ned etter 2. kvartal 2020. Særleg gjeld dette næringar som er ramma av de nasjonale tiltaka for å redusere spreiinga av koronaviruset. Nedgangen i talet på arbeidsforhold heng saman med oppseiingar, langvarige permitteringar (permitteringar over 90 dagar blir ikkje rekna som sysselsetting), mindre bruk av tilkallingsvikarar og færre nytilsettingar. Nedgang i talet på arbeidsforhold fører isolert sett til ein auke i prosentdelen ledige stillingar.