Fleire ledige stillingar

Publisert:

11. november 2020

Talet på ledige stillingar gjekk opp med 9 700 frå 2. til 3. kvartal 2020. Auken kjem etter ein stor nedgang i førre kvartal, da talet på ledige stillingar gjekk ned med 15 900.

Forfattar: Øyvind Bruer-Skarsbø

Tala er henta frå
Ledige stillingar

Artikkelen er del av serien
Ledige stillingar (arkiv)

Dette viser sesongjusterte tal frå statistikken Ledige stillingar. Dei store svingingane i talet på ledige stillingar sida 1. kvartal heng saman med koronakrisa som fyrst inntrefte Noreg i mars. Etter eit stort fall i ledige stillingar i 2. kvartal har talet på ledige stillingar auka frå 53 600 til 63 300 i 3. kvartal. Figur 1 visar korleis dei sesongjusterte tala aukar siste kvartal, medan tala som ikkje er justert endrar seg lite. Forskjellen kan sjåast i samanheng med at effekten av koronakrisa ikkje inngår i grunnlaget for sesongmønsteret, og at ein normalt ser ein stor nedgang i talet som ikkje er justert frå 2. til 3. kvartal. Les meir om korleis koronakrisa blir behandla i denne statistikken nedst i artikkelen.

Figur 1. Ledige stillingar. Trend, sesongjusterte og ujusterte tal

	Sesongjustert	Trend	Ujustert
3. kv. 2010	65700	63000	63900
4. kv. 2010	63200	63800	55800
1. kv. 2011	65800	66200	68900
2. kv. 2011	71600	69500	78500
3. kv. 2011	70100	70500	68000
4. kv. 2011	70200	69500	62200
1. kv. 2012	66100	67200	69200
2. kv. 2012	65000	64500	72000
3. kv. 2012	63500	64000	60900
4. kv. 2012	65600	65100	57800
1. kv. 2013	64600	65900	67600
2. kv. 2013	67700	65600	74300
3. kv. 2013	61500	62100	59100
4. kv. 2013	57400	58200	50900
1. kv. 2014	58900	57900	61800
2. kv. 2014	59000	58300	64800
3. kv. 2014	56800	57400	54100
4. kv. 2014	59800	57100	53700
1. kv. 2015	57700	56700	60400
2. kv. 2015	56500	54800	62800
3. kv. 2015	52200	52600	49500
4. kv. 2015	50300	51000	45000
1. kv. 2016	53100	50600	55300
2. kv. 2016	51000	51900	56200
3. kv. 2016	54900	53900	52300
4. kv. 2016	54200	56000	48700
1. kv. 2017	56100	57900	58300
2. kv. 2017	58800	59300	65400
3. kv. 2017	59900	60700	56700
4. kv. 2017	64000	63500	58000
1. kv. 2018	66200	66300	68400
2. kv. 2018	68000	68200	75200
3. kv. 2018	72100	68700	68400
4. kv. 2018	65500	69100	59700
1. kv. 2019	73300	71900	75700
2. kv. 2019	76000	74100	84500
3. kv. 2019	69700	72700	65800
4. kv. 2019	70700	69800	63900
1. kv. 2020	69500	67800	71600
2. kv. 2020	53600	54500	59900
3. kv. 2020	63300	63500	59400

Størst auke innan pleie- og omsorgstenester

Fleire næringar hadde ein auke i talet på ledige stillingar frå 2. til 3. kvartal 2020. Etter ein stor nedgang på 700 førre kvartal, auka talet på ledige stillingar innan bergverksdrift og utvinning med 400 siste kvartal. Same trend finner ein også innan transport og lagring, og varehandel. Størst auke var det i pleie- og omsorgstenester, der talet på ledige stillingar auka frå 4 600 til 7 300.

Handtering av koronakrisa i statistikken over ledige stillingar

Koronakrisa påverkar statistikken over ledige stillingar på fleire vis som er viktig å ta omsyn til når ein tolkar tala. I dei sesongjusterte tala har vi følgt Eurostat sine retningslinjer som seier at effekten av koronakrisa ikkje skal inngå i grunnlaget for sesongmønsteret. Det inneber at vi frå og med 2. kvartal 2020 antar at sesongmønsteret er uendra, og at vi korrigerer for den systematiske sesongvariasjon berekna på data før koronakrisa. Vi gjer dette frå og med 2. kvartal fordi referansetidspunktet for 1. kvartal i statistikken over ledige stillingar er utgangen av februar, altså månaden før koronakrisa inntrefte.

Talet på arbeidsforhold (jobbar), som vil seie størstedelen av nemnaren i prosentdelen ledige stillingar, har i fleire næringar gått ned etter 2. kvartal 2020. Særleg gjeld dette næringar som er ramma av de nasjonale tiltaka for å redusere spreiinga av koronaviruset. Nedgangen i talet på arbeidsforhold heng saman med oppseiingar, langvarige permitteringar (permitteringar over 90 dagar blir ikkje rekna som sysselsetting), mindre bruk av tilkallingsvikarar og færre nytilsettingar. Nedgang i talet på arbeidsforhold fører isolert sett til ein auke i prosentdelen ledige stillingar.