Føremålet med skjemaet
Føremålet med skjema 35D er å innhente data om energibruken i fylkeskommunale føremålsbygg. Dette er nødvendig styringsinformasjon i samband med arbeidet fylkeskommunane gjer innafor klima- og energiplanlegging. Rapporteringa er iverksett fordi ei samla oversikt over eigen energibruk i fylkeskommunane ikkje er tilgjengeleg frå andre datakjelder.
Faktorar for omrekning til kWh (oppgåvegivar kan bruke eigne faktorar dersom oppgåvegivar meiner at desse er sikrare)
| Energivare | Enhet | Omregnet til kWh |
| Fyringsolje | 1 liter | 10,056 kWh |
| Fyringsolje | 1 kg | 11,972 kWh |
| Fyringsparafin | 1 liter | 9,694 kWh |
| Fyringsparafin | 1 kg | 11,972 kWh |
| Naturgass, i gassform | 1 Sm3 | 9,92 kWh |
| Naturgass, flytende (LNG) | 1 kg | 12,5 kWh |
| LPG (propan og butan) | 1 liter | 6,778 kWh |
| LPG (propan og butan) | 1 kg | 12,815 kWh |
| Pellets | 1 kg | 4,8 kWh |
| Flis | 1 kg | 4,3 kWh |
| Ved og treavfall | 1 m3 fast mål | 2330 kWh |
| Bioetanol | 1 liter | 5,5 kWh |
| Bioetanol | 1 kg | 7,4 kWh |
| Biodiesel | 1 liter | 8,6 kWh |
| Biodiesel | 1 kg | 10,2 kWh |
| Biogass | 1 kg | 14,0 kWh |
| Biogass | 1 Sm3 | 10,5 kWh |
| Bioolje | 1 liter | 9,7 kWh |
Rettleiing
Dette skjemaet skal berre rapporterast av/for fylkeskommunale føretak (FKF) som eig føremålsbygg (fylkeskommunar skal ikkje rapportere på skjema 35D).
Rapporteringa av energibruk i skjema 35D gjeld for den parten av arealet som rapporterast i skjema 34D som det fylkeskommunale føretaket eig.
Ikkje rapporter følgjande:
- Energibruk i lokalar som det fylkeskommunale føretaket leiger
- Energibruk til andre føremål enn dei som er oppført på skjemaet
- Lokalar som leiges ut til private aktørar
Lokalar som mellombels ikkje er i aktiv bruk: før dei på føremålet dei tidlegare har vore brukt til.
Dersom fullstendige opplysningar om energibruken for det eigde arealet manglar, ber vi om at oppgåvegivar bereknar dette, slik at det blir samsvar mellom rapporteringa av energibruk i skjema 35D og eigd areal i skjema 34D.
Fordel energibruken på desse føremåla:
- Funksjon 430 Administrasjonslokale
- Funksjon 510 Skolelokale og internat
For funksjon F430 Administrasjonslokaler, før kun energibruken på areal som brukes til oppgåver under funksjonane 400 Politisk styring, 410 Kontroll og revisjon, 420 Administrasjon og 421 Forvaltningsutgifter i eiendomsforvaltningen. For meir informasjon om kva som inngår i dei ulike funksjonane, sjå regjeringas KOSTRA-rettleiing (regjeringen.no).
Tala gjeld brutto tilført energi av dei ulike energivarene, målt i kWh. Dette kan avvike frå det som er kjøpt inn eller betalt for gjennom året pga. lagerendringar eller forskotts- eller etterskottsbetaling. Det betyr òg at ein ikkje skal korrigere forbrukstala i høve til utnyttingsgraden (verknadsgraden) eller unormalt forbruk pga. temperaturavvik frå normalen.
Plasser alt energiforbruk på energitypane som er oppgitt i skjemaet. Ikkje rapporter ”gratisvarme” frå varmepumper, solfangarar og liknande, men i staden energien (vanlegvis elektrisitet) som blir brukt til å drive slike varmekjelder.
Bioenergi er ein sekkepost som inneheld blant anna:
- energivarer som byrjar med "bio" (biogass, bioolje, biodiesel osv.)
- pellets, flis og treavfall osv.
- solcelleenergi
Dersom det fylkeskommunale føretaket har eit lokalt fjernvarmeanlegg (nærvarmeanlegg): før energivareforbruket på energivarene som blir brukt til å drive anlegget. Om så, ikkje rapporter den distribuerte eller forbrukte fjernvarmen. Dette gjeld òg for fjernkjøling.
Dersom bygningane brukas på fleire tenesteområde eller føremål, og det ikkje er mogleg å fordele energibruken på desse ut frå opplysningane som føretaket har om energiforbruket: fordel forbruket på dei aktuelle tenesteområda etter skjøn.