Statistikk om

Byggekostnadsindeks for bustader

Statistikken måler den månadlege prisutviklinga på innsatsfaktorane til bygging av bustader. Indeksane vert ikkje påverka av endra produktivitet eller endringar i entreprenøren sine fortenestemarginar. Statistikken blir i hovudsak brukt til justering av byggekontraktar.

Oppdatert: 13. mars 2025

Neste oppdatering: 11. april 2025

Utvalde tal frå denne statistikken

Tabell 1Byggekostnadsindeks for bustader. 2015=100

Byggekostnadsindeks for bustader. 2015=100
	Endring frå førre månad, prosent	Endring frå førre år, prosent	Indeks
	Februar 2025
Bustader i alt¹	0,1	4,0	149,6
Bustader i alt, arbeidskraft²	-0,5	3,6	130,2
Bustader i alt, materialar	0,1	4,4	177,6
Einebustader av tre, i alt	-0,3	4,0	153,3
Einebustader av tre, materialar	0,1	4,9	182,6
Einebustader av tre, byggearbeid unnateke stein-, jord- og sementarbeid	-0,4	4,2	157,7
Einebustader av tre, byggearbeid unnateke stein-, jord- og sementarbeid, materialar	0,2	5,0	185,7
Bustadblokker, i alt	0,8	4,0	144,3
Bustadblokker, materialar	0,2	3,6	169,5
¹Byggekostnadsindeks for bustader i alt er ein vege indeks av einebustader av tre og bustadblokker.
²Lønnskostnader for årets 1., 2., 3., og 4. kvartal reknes inn i byggekostnadene for høvesvis mai, august, november og februar. Frå og med augustindeksen 2018 vert tala henta frå SSB sin kvartalsvise arbeidskostnadsindeks (AKI) med data frå a-ordninga.

Standardteikn i tabellar

Kjelde

Statistikkbanken kjeldetabell 08655

Statistikkbanken kjeldetabell 08651

Statistikkbanken kjeldetabell 08653

Sjå alle tal frå denne statistikkenVi har fleire tal for denne statistikken i Statistikkbanken. Lag figurar og tabellar med tala du treng.

Om statistikken

Informasjonen under «Om statistikken» blei sist oppdatert 29. januar 2025.

Definisjonar av viktige omgrep og variablar

Byggekostnadsindeksar
Byggekostnadsindeksane måler prisutviklinga på innsatsfaktorane til bygging av bustader. Indeksane vert også kalla faktorprisindeksar eller inputprisindeksar. Byggekostnadene vert ikkje påverka av endra produktivitet eller endringar i byggmeisteren, entreprenøren eller installatøren sine fortenestemarginar.

Representantvare
Eit omgrep på alle einingar vektgrunnlaget er bygd opp av, og som det vert henta prisar på. Det kan vere ein materialtype, ein kategori arbeidar, ei maskinteneste, ei transportteneste osv.

Innsatsfaktor
Eit omgrep for kostnadsgruppene som ein har valt å gruppere representantvarene i. Desse omfattar arbeidskraft, maskiner ekskl. førar, transport inkl. førar, materialar, energikjelder og andre kostnader.

Kostnadsdel (vekt)
Kvar representantvare og innsatsfaktor er tillagd ein kostnadsdel (vekt) som bestemmer kor stor betydning desse elementa skal ha ved utrekning av indeksen. Vektene blir reviderte om lag kvart 10.-15. år.

Laspeyre indeks
Laspeyre-indeks er ein prisindeks der vektgrunnlaget blir halde konstant. Ein kjeda Laspeyre-prisindeks justerer vektene over tid ved å oppdatere grunnlaget for kvar periode, slik at endringar i forbruksmønsteret blir tekne omsyn til, samtidig som ein beheld eigenskapane til Laspeyre-indeksen

Pris
Prisar som verksemda oppnår ved sal eller utleige til entreprenørar, byggmeisterar, installasjonsverksemder m.m., det vil seie prisar med frådrag av rabattar. Prisane blir oppgjevne pr. 15. i månaden og er eksklusive meirverdiavgift.

Standard klassifikasjonar

Gruppering av varegrupper i delprodukt i samsvar med prosjektinndelinga i Byggekostnadsindeksar for bustader. Standard for næringsgruppering 2007 (ec.europa.eu)