Innhald
Publisert:
Du er inne i ei arkivert publisering.
Svak auke i talet på nye føretak
11 795 nye føretak vart registrerte i 4. kvartal 2009, ein auke på 280 i høve til same perioden i 2008.
Totalt vart det registrert 45 468 føretak i 2009, ein nedgang på 9 prosent samanlikna med 2008. Talet på nye føretak er det lågaste sidan 2003, og er om lag 17 prosent lågare enn i toppåret 2006. 93 prosent av dei nye føretaka i 2009 var nyetableringar, medan resten var overtakingar.
Flest innanfor tenesteytande næringar
Nesten 15 prosent av dei nyetablerte føretaka i 2009 høyrde til næringshovudområdet fagleg, vitskapeleg og teknisk tenesteyting, medan 13 prosent var innanfor byggje- og anleggsverksemd.
Færre aksjeselskap, fleire NUF
Aksjeselskap hadde den største nedgangen frå 2008 til 2009 med 24 prosent færre nyetableringar. Talet på norskregistrerte utanlandske føretak (NUF) auka i same perioden med over 13 prosent. Totalt 3 748 NUF vart etablerte i 2009, og er det høgaste talet på nyetablerte NUF sidan 2001 då statistikken vart etablert.
|
Nye føretak kan fordelast på overtakingar (eigarskifte) der føretaket vert registrert for å ta over ei eksisterande verksemd, og nyetableringar der føretaket representerer heilt nye verksemder (reelle nyetableringar). Tala omfattar alle føretak utanom primærnæringane og offentleg forvaltning. |
Tabeller:
Kontakt
-
Håkon Frøysa Skullerud
E-post: hakon.skullerud@ssb.no
tlf.: 41 43 59 39
-
Salah Eddine Ziade
E-post: salah.ziade@ssb.no
tlf.: 21 09 48 35