Statistikk om

Næringar på Svalbard

Statistikken gir innsikt i utviklinga og strukturen i dei ulike næringane på Svalbard. Tala inkluderer blant anna årsverk, sysselsetting, omsetning, kostnader og investeringar, basert på innrapporterte data frå alle aktive bedrifter lokaliserte på Svalbard.

Oppdatert: 29. august 2024

Neste oppdatering: 29. august 2025

Utvalde tal frå denne statistikken

Tabell 1Svalbard. Strukturstatistikk, etter næring (SN2007)

Svalbard. Strukturstatistikk, etter næring (SN2007)
	2023	Prosentvis endring fra foregående år	2023	Prosentvis endring fra foregående år
	Årsverk		Omsetning (1 000 kr)
Svalbard i alt	1 690,6	7,1	5 244 928	11,4
Bergverksdrift og utvinning	76,0	-2,6	118 798	-20,7
Industri; Elektrisitets-, gass-, damp- og varmtvannsforsyning; Vannforsyning, avløps- og renovasjonsvirksomhet	59,5	85,9	200 752	90,9
Byggje- og anleggsverksemd	209,0	-2,2	665 236	-13,5
Varehandel, reparasjon av motorvogner	124,7	6,8	497 082	13,8
Transport og lagring	118,1	17,6	1 026 367	2,0
Overnattings- og serveringsverksemd	295,4	11,3	510 474	-2,4
Informasjon, kommunikasjon, finansierings- og forsikringsverksemd	83,7	17,1	1 038 592	31,0
Omsetning og drift av fast eigedom	2,9	-17,1	148 095	22,1
Fagleg, vitskapleg og teknisk tenesteyting	75,6	-0,7	95 218	31,6
Forretningsmessig tenesteyting	182,6	25,2	602 971	48,1
Offentleg administrasjon og forsvar, og trygdeordningar underordna offentleg forvalting	99,4	-12,3	46 486	-17,2
Undervisning	:	:	:	:
Helse- og sosialtenester	61,7	-3,3	11 949	-30,1
Kulturell verksemd, underhaldning og fritidsaktivitetar	109,5	20,9	180 182	25,3
Anna tenesteyting	9,1	-29,5	13 681	41,2

Standardteikn i tabellar

Kjelde

Statistikkbanken kjeldetabell 07380

Tabell 2Bedrifter på Svalbard. Hovudtal etter næringshovudområde

Bedrifter på Svalbard. Hovudtal etter næringshovudområde
	2022	2023	2022	2023	2022	2023	2022	2023	2022	2023	2022	2023
	Bedrifter		Årsverk		Omsetning (1 000 kr)		Offentleg tilskot (1 000 kr)		Lønskostnader (1 000 kr)		Investeringar (1 000 kr)
Svalbard i alt	376	378	1 578,8	1 690,6	4 709 406	5 244 928	866 639	940 093	1 225 117	1 347 466	575 186	860 110
B Bergverksdrift og utvinning	1	1	78,0	76,0	149 888	118 798	0	-	88 535	84 503	2 814	3 090
C+D+E Industri; Elektrisitets-, gass-, damp- og varmtvannsforsyning; Vannforsyning, avløps- og renovasjonsvirksomhet	18	21	32,0	59,5	105 188	200 752	4 160	53 637	28 840	53 175	23 226	77 916
F Bygge- og anleggsvirksomhet	26	22	213,8	209,0	769 091	665 236	239	-	185 998	162 062	14 779	20 016
G Varehandel, reparasjon av motorvogner	26	32	116,8	124,7	436 745	497 082	0	-	71 046	75 563	12 761	36 526
H Transport og lagring	23	23	100,4	118,1	1 006 091	1 026 367	459	-	105 475	138 531	28 159	50 230
I Overnattings- og serveringsvirksomhet	26	24	265,3	295,4	523 250	510 474	46 574	67 893	147 717	165 068	24 670	15 221
J+K Informasjon og kommunikasjon. Finansierings- og forsikringsvirksomhet	18	17	71,5	83,7	793 012	1 038 592	1 952	8 059	64 417	80 280	177 006	247 341
L Omsetning og drift av fast eiendom	39	37	3,5	2,9	121 311	148 095	248	203	907	2 402	151 152	111 958
M Faglig, vitenskapelig og teknisk tjenesteyting	63	65	76,1	75,6	72 373	95 218	76 108	74 918	61 834	65 451	14 371	83 852
N Forretningsmessig tjenesteyting	59	58	145,9	182,6	407 023	602 971	52 417	57 773	101 471	128 485	56 008	148 610
O Offentlig administrasjon og forsvar, og trygdeordninger underlagt offentlig forvaltning	8	9	113,4	99,4	56 145	46 486	395 285	375 166	100 724	103 489	24 643	17 406
P Undervisning	15	14	:	:	:	:	:	:	:	:	:	:
Q Helse- og sosialtjenester	10	11	63,8	61,7	17 095	11 949	23 943	26 598	54 234	56 561	1 693	1 209
R Kulturell virksomhet, underholdning og fritidsaktiviteter	33	37	90,6	109,5	143 790	180 182	31 176	30 816	56 633	64 357	29 061	36 712
S Annen tjenesteyting	11	7	12,9	9,1	9 686	13 681	5 725	5 822	6 451	7 592	215	0
Ikkje oppgjeve	0	0	0,0	0,0	0	0	0	0	0	0	0	0

Standardteikn i tabellar

Kjelde

Statistikkbanken kjeldetabell 07380

Sjå alle tal frå denne statistikkenVi har fleire tal for denne statistikken i Statistikkbanken. Lag figurar og tabellar med tala du treng.

Om statistikken

Informasjonen under «Om statistikken» blei sist oppdatert 12. juni 2024.

Definisjonar av viktige omgrep og variablar

Bedrift

I Standard for næringsgruppering (SN 2007) er ei bedrift definert som ei lokalt avgrensa funksjonell eining der det hovudsakleg blir drive aktivitetar innanfor ei bestemt næringsgruppe. Den juridiske eininga er føretaket, og eit føretak kan drive ei eller fleire bedrifter.

Antal utførte timeverk

Inkluderer det samla talet arbeidstimar utførte av lønnstakarar på arbeidsplassen, både innanfor og utanfor vanleg arbeidstid. Kortare kvilepausar er inkluderte, medan tid brukt til transport mellom heim og arbeidsstad ikkje er med. Timane utførte av sesongarbeidarar tel med så lenge arbeidarar er tilsett eller engasjert direkte, det vil seie ikkje gjennom eit vikarbyrå. Eit årsverk på Svalbard er 1687 timeverk.

Sysselsetting

Med sysselsetting meiner vi summen av eigarar og lønnstakarar. Ein person kan ha fleire arbeidsforhold samstundes. Sysselsettingstal blir henta på bedriftsnivå. Opplysningar om sysselsettinga i industrien finst også i nasjonalrekneskapen, og i sysselsettingsstatistikk basert på data frå Arbeidskraftsundersøkinga (AKU) og den registerbaserte sysselsettingsstatistikken.

Omsetning

Omsetning er definert som driftsinntektene til føretaket, fråtrekt offentlege tilskot og gevinst ved sal av anleggsmiddel. Spesielle offentlege avgifter knytt til salet, og skattar og avgifter, er inkluderte i omsetninga, medan meirverdiavgift ikkje er med.

Summen av næringsoppgåvepostane

	Salsinntekt og uttak, avgiftspliktig	P3000
+	Salsinntekt og uttak, avgiftsfritt	p3100
+	Salsinntekt og uttak, utanfor avgiftsområdet	p3200
+	Ikkje opptent inntekt	p3500
+	Leigeinntekt fast eigedom	p3600
+	Leigeinntekt av rettar, jakt, fiske mv.	p3650
+	Annan leigeinntekt	p3695
+	Provisjonsinntekt	p3700
+	Annan driftsinntekt	p3900
=	Omsetninga

Lønnskostnader

Lønn, feriepengar, honorar, arbeidsgivaravgift til folketrygda, rapporteringspliktige pensjonskostnader og andre personalkostnader for arbeid utført på Svalbard. Lønnskostnader omfattar ikkje godtgjersle til eigarar av enkeltpersonføretak eller ansvarlege selskap.

Offentlege tilskot

Gjeld mottatte løyvingar til drift og investering frå staten, Longyearbyen lokalstyre eller andre offentlege organ (til dømes Innovasjon Noreg). Blir rapportert separat i eigen rubrikk og blir ikkje summert med omsetninga.

Handelsvarer

Handelsvarer er varer som blir kjøpte inn i løpet av året for vidaresal, utan ytterlegare tilarbeiding (bortsett frå merking og innpakning).

Kjøp av varer og tenester

Med kjøp av varer og tenester blir verdien av alle varer og tenester kjøpt i løpet av året for vidaresal, til bruk i føretaket sin eigen produksjonsprosess eller for lager, rekna med. Investeringar er ikkje inkluderte i desse tala.

Investeringar

Årets investeringar i varige driftsmiddel er investeringar med levetid meir enn eitt år. Dette kan omfatte investeringar i nye og brukte kapitalvarer, og inkluderer all påbygging, endringar, forbetringar og reparasjonar som forlengjer levetida til kapitalvarer eller aukar produksjonskapasiteten deira. Kostnader til design, transport, installering og eventuelle særavgifter blir også rekna med. Meirverdiavgift som kan trekkast frå, finanskostnader og oppnådde skattefordelar (til dømes investering i meir miljøvennleg utstyr) skal ikkje reknast med, og heller ikkje varige driftsmiddel erverva gjennom omstrukturering (til dømes fusjon, overtaking, deling). Kjøpte varer blir verdsette til innkjøpspris, medan eigenproduserte varer blir verdsette til produksjonskostnader.

Offentleg sektor

Offentleg sektor kan delast inn i ein forvaltningsdel og ein føretaksdel. Forvaltninga består av myndigheitene og andre bedrifter som tar seg av eit breitt spekter av fellesoppgåver. Kommunane, sjukehusa og skolane er døme på institusjonar som inngår i forvaltninga. Den delen som kallast offentlege føretak, består av marknadsbaserte bedrifter som er eigde eller på annan måte kontrollerte av det offentlege. Mellom dei offentlege føretaka finn vi kommunalt eigde bedrifter som vassverk og avfallsdeponi, og store børsnoterte selskap der stat og kommune eig meir enn halvparten av aksjane.

Standard klassifikasjonar

Næringsgrupperinga er i samsvar med norsk Standard for næringsgruppering (SN2007) som byggjer på EUs næringsstandard NACE Rev. 2 og FNs næringsstandard ISIC Rev 4 (International Standard of Industrial Classification of all Economic Activities).

Formål og historie

Den årlege næringsstatistikken for Svalbard blir produsert basert på skjemaundersøking til alle føretak med bedrifter på Svalbard. Dette gjeld også føretak med bedrifter på fastlandet som har delar av verksemda si på Svalbard. Ettersom det er få føretak på Svalbard i kvar hovudnæring, blir bedriftspopulasjonen på Svalbard dekka fullt ut for å kunne gi kvalitativt gode data for Svalbard.

Rapportering skjer i Altinn. Formålet med skjemaundersøkinga er å skaffe opplysningar som gir grunnlag for å lage statistikk som skildrar den økonomiske strukturen og utviklinga i dei ulike næringane på Svalbard. Statistikken blei publisert første gong for statistikkåret 2008.

Brukarar og bruksområde

Dataa er nyttige for både sentrale og lokale myndigheiter, departement og ulike bransjeorganisasjonar som etterspør statistikk for Svalbard. Talmaterialet blir avidentifisert og mikrodata vil vere tilgjengelege for forskarar og offentlege myndigheiter i tråd med SSB sine ordinære vilkår. Tilgang kan bli gitt etter søknad og på vilkår. Sjå meir om dette på Tilgang til data fra SSB.

Likebehandling av brukarar

IIngen eksterne brukarar har tilgang til statistikk før statistikken er publisert kl. 08.00 på ssb.no etter varsling minst tre månader før i Statistikkalenderen. Dette er eitt av dei viktigaste prinsippa i SSB for å sikre lik behandling av brukerne.

Samanheng med annan statistikk

Medan industristatistikken kan gi sysselsettingstal på detaljert næring og er konsistent med andre bedriftsrelaterte variablar, gir nasjonalrekneskapen kvartalsvise tal med kort produksjonstid. AKU og den registerbaserte sysselsettingsstatistikken gir også tal på personrelaterte kjennemerke som til dømes alder, kjønn, utdanning og arbeidstid. Den registerbaserte sysselsettingsstatistikken gir i tillegg tal ned på kommunenivå.

Lovheimel

Statistikken blir utvikla, utarbeidd og formidla med heimel i lov av 21. juni 2019 nr. 32 om offisiell statistikk og Statistisk sentralbyrå (statistikkloven, lovdata.no).

EØS-referanse

Ingen

Omfang

Næringsundersøkinga for Svalbard er delt etter standard for næringsgruppering SN2007 og omfattar næringane:

05-09 - Bergverksdrift og utvinning

10-33 - Industri

35 – Forsyning av elektrisitet, gass, damp og varmtvatn

36-39 – Forsyning av vatn, avløps- og renovasjonsverksemd

41-43 - Byggje- og anleggsverksemd

45-47 - Varehandel; reparasjon av motorvogner

49-53 - Transport og lagring

55-56 - Overnattings- og serveringsverksemd

58-63 - Informasjon og kommunikasjon

64-66 - Finansierings- og forsikringsverksemd

68 - Omsetning og drift av fast eigedom

69-75 - Fagleg, vitskapleg og teknisk tenesteyting

77-82 - Forretningsmessig tenesteyting

84 - Offentleg administrasjon og forsvar, og trygdeordningar underordna offentleg forvalting

85 - Undervisning

86-88 - Helse- og sosialtenester

90-93 - Kulturell verksemd, underhaldning og fritidsaktivitetar

94-96 - Anna tenesteyting

Populasjonen er definert gjennom Bedrifts- og føretaksregisteret (VOF) og omfattar alle aktive bedrifter innanfor næringane som er omtala over. Kvalitetssikring av bedriftspopulasjonen blir gjennomført årleg i samarbeid mellom VOF, Longyearbyen lokalstyre og tilbakemeldingar frå bedriftene i revisjonsperioden. Næringsstatistikken for Svalbard gir ei oversikt over talet på bedrifter, utførte timeverk, sysselsetting, omsetning, lønnskostnader, offentlege tilskot, handelsvarer, kjøp av varer og tenester, og investeringar fordelte på hovudnæringsområde.

Primærnæringane jordbruk, skogbruk og fiske (01-03: SN2007) blir ikkje dekka i næringsstatistikken for Svalbard, sidan det ikkje er jordbruk og skogbruk på Svalbard. For detaljar om fangstvolum og -verdi i havområda utanfor Svalbard, viser vi til Fiskeridirektoratet sin statistikkbank: https://www.fiskeridir.no/Tall-og-analyse/Statistikkbanken. Her finst mellom anna detaljar om desse variablane for Fiskevernsonen rundt Svalbard og andre nærliggjande fangstsoner.

Datakjelder og utval

For ei bedrift byggjer statistikken på Næringsoppgåve (næringsspesifikasjon) og eventuelt årsrekneskap for føretaket.

Kvalitetssikring av data blir gjort med støtte frå desse kjeldene:

Elektronisk innsende næringsoppgåver (næringsspesifikasjon) til Skattedirektoratet.
Rekneskapsregisteret i Brønnøysund.

For å få hjelp med å hente inn opplysningane blir Bedrifts- og føretaksregisteret i Statistisk sentralbyrå brukt. Registeret blir oppdatert jamleg med opplysningar som gjeld for Svalbard, i samarbeid med Longyearbyen lokalstyre, Einingsregisteret, ulike bransjeorganisasjonar og direkte frå det einskilde føretaket.

Populasjonen består av alle aktive bedrifter innanfor dei nemnde næringane i statistikkåret.

Datainnsamling, editering og berekningar

Datainnsamling

Skjema blir sendt ut i starten av mai med om lag 4 vekers svarfrist.

Bedrifter som ikkje svarar på den første førespurnaden, blir følgde opp skriftleg om lag 10 dagar etter at svarfristen har gått ut. Bedriftene som framleis ikkje svarar, får tvangsmulkt.

Editering

Med editering meiner vi kontroll, gransking og endring av data.

Det blir utført kontrollar og rettingar av opplysningar som kjem frå bedriftene mot næringsoppgåver og årsrekneskap. Editering av datamaterialet blir utført etter kontrollar mot fjorårstal, Bedrifts- og føretaksregisteret, Rekneskapsregisteret i Brønnøysund, andre tilgjengelege kjelder og etter rådføring med oppgåvegivar når det er nødvendig. Sidan data blir frigitt tidlegare enn annan nasjonal statistikk, blir fjorårets tal grundig editerte ved publisering av endelege tal.

Berekningar

Alle føretak er med i populasjonen. Berekningar av populasjonstal byggjer på innrapporterte storleikar. For dei bedriftene som ikkje har sendt inn data, blir tal konstruerte ut frå næringsoppgåve eller årsrekneskap.

Sesongjustering

Ikkje relevant.

Konfidensialitet

Grunna dominerande bedrifter på Svalbard er det fritak frå konfidensialitet for Store Norske Spitsbergen Kullkompani AS. SSB publiserer ikkje tal dersom det er fare for at bidraget frå oppgåvegivar kan avslørast. Dette medfører at tal som hovudregel ikkje blir publiserte dersom færre enn tre einingar ligg til grunn for ei celle i tabellen, eller dersom ein eller to oppgåvegivarar sitt bidrag utgjer einsvært stor del av celletotalen.

For å sikre konfidensialitet blir metoden undertrykking" nytta i denne statistikken.

Tilsette i SSB har teieplikt. SSB kan gjere unntak frå hovudregelen dersom det følgjer av krav til statistikk i EØS-avtalen, oppgåvegivar er offentleg myndigheit, oppgåvegivar har samtykka, eller når opplysningane som avslørast er openbart tilgjengelege i samfunnet.

Meir informasjon finn du i avsnittet 'Konfidensialitet' på SSBsside om metoder i offisiell statistikk.

Samanlikningar over tid og stad

Ved samanlikning mot tidlegare publiserte tal bør brukarane vere merksame på at eldre data kan ha blitt retta i samband med publiseringa av siste års statistikk. I tillegg kan oppdatering av næringskoder i Bedrifts- og føretaksregisteret føre til endringar for nokre av næringane.

Feilkjelder og uvisse

Nøyaktigheit og pålitelegheit

Målefeil kan oppstå når oppgåvegivaren misforstår eitt eller fleire av spørsmåla.

Tilarbeidingsfeil kan førekome, men vi har eit omfattande kontrollsystem for å unngå dette.

I skjemabaserte undersøkingar vil det normalt vere eit visst fråfall. Einingssfråfall ("ikkje-svar") kjem av forhold som nedleggingar, konkursar, fusjonar, fisjonar, ferie, nekting og liknande. Delvis fråfall (manglande svar på enkelte spørsmål) kan kome av forgløymingar, mangel på data eller andre forhold.

Fråfall av viktige einingar blir følgde opp i den manuelle etterkontrollen. Bedrifter som ikkje returnerer skjema, får tvangsmulkt. Bruk av tvangsmulkt reduserer fråfallet, men ikkje nødvendigvis usikkerheita dersom oppgåvegivarane til dømes vel å estimere tal berre for å unngå tvangsmulkta.

Variablane som inngår i statistikken er baserte på ei fullteljing. Utvalsfeil er difor ikkje relevant.

Fleire administrative register er sentrale i arbeidet med næringsstatistikken for Svalbard. Bedrifts- og føretaksregisteret (VOF) blir brukt både til å definere populasjonen og til å hente inn kjenneteikn og opplysningar. Einingssregisteret i Brønnøysund (ER) blir brukt til å hente inn opplysningar om einingane. Dette gir grunnlag for registerfeil som kan påverke usikkerheita i statistikken.

Det vanlege er feil som følgje av etterslep i registreringane. Slike etterslep kan kome av forseinka rapportering til registera eller det faktum at endringar normalt blir registrerte noko tid etter at dei har inntreft. Konsekvensen er at registera ikkje er fullstendig oppdaterte til kvar tid, noko som til dømes kan føre til skeivskap i utvalet eller at utdaterte opplysningar blir nytta som datagrunnlag i statistikken.

Revisjon

Revisjon er planlagd endring av tal som alt er publiserte, til dømes ved publisering av endelege tal der det tidlegare har vore publisert førebels tal. Sjå òg SSBs prinsipper for revisjon.

Kontakt

Mikael Sandberg

mikael.sandberg@ssb.no 40 81 14 99

Marcela Siegel

marcela.siegel@ssb.no 90 19 39 82

Statistikk innhold

Næringar på Svalbard

Utvalde tal frå denne statistikken