Kva skal de gjere?
- Klassen ser på figur 2 og les tekst 3 saman. Les orda i kursiv skrift nøye. Kva trur du dei tyder?
- Les teksten åleine eller i små grupper, og skriv ned andre ord du synest er vanskelege å forstå.
- Klassen skriv orda inn i ordbanken saman. Snakk om kva dei tyder. Du finn lenke til fila med ordbanken etter spørsmål 4.
- Omsett orda til morsmålet ditt. Bruk ordbanken og hjelpemiddel for å omsette. Hjelpemiddel du kan bruke for å finne ut kva eit ord tyder, er for eksempel Nynorskordboka (ordbokene.no) eller Store norske leksikon (snl.no).
Eldrebølge på veg Mens det i 1950 berre var 8 prosent som var 67 år eller eldre, var det 16,5 prosent som var så gamle i 2024. I åra framover vil det bli ein endå større del av alle som bur i Noreg som er så gamle. Grunnen til det er at vi ventar at levealderen vil auke, og at færre vil bli fødd. Andelen barn og unge vil framleis søkke. Allereie i 2027 vil det for første gong vere fleire eldre enn barn her i landet. I 2050 ventar vi at om lag kvar femte innbyggar vil vere over 70 år. Kjelde: Befolkning, Nasjonale befolkningsframskrivinger og artikkelen "Vi blir flere, men også eldre", Statistisk sentralbyrå
