13748_not-searchable
/teknologi-og-innovasjon/statistikker/inet/arkiv
13748
Auke i breibandsabonnement
statistikk
2003-03-18T10:00:00.000Z
Teknologi og innovasjon;Svalbard
no
inet, Internett-målinga (avslutta i Statistisk sentralbyrå), breibandsabonnement, overføringskapasitet, overføringshastigheit, bedriftsmarknad, privatmarknadTeknologi og innovasjon, Informasjons- og kommunikasjonsteknologi - IKT, Teknologi og innovasjon, Svalbard
false

Internett-målinga (avslutta i Statistisk sentralbyrå), 2002

Innhald

Publisert:

Du er inne i ei arkivert publisering.

Gå til den nyaste publiseringa

Auke i breibandsabonnement

Det var ved utgangen av 3. kvartal 2002 om lag 1,5 millionar aktive Internett-abonnement i Noreg. Av desse var nesten 113 000 breibandsabonnement, medan det tilsvarande talet for 2. kvartal var knapt 77 000. Kvart åttande abonnement som blei teikna sidan 2. kvartal var eit breibandsabonnement.

I løpet av 3. kvartal 2002 blei det teikna nesten 280 000 Internett-abonnement. 13 prosent av desse abonnementa var breibandsabonnement. Sidan utgangen av 2. kvartal har talet på private breibandsabonnement auka med nesten 50 prosent.

I denne statistikken vert breiband rekna som Internett-abonnement med overføringskapasitet (fart inn) høgare enn 384 kbit per sekund. Statistikken omfattar berre abonnement tilbydd av kommersielle Internett-leverandørar.

Fordelinga av aktive abonnement på ulike overføringskapasitetar. Bedriftsabonnement

Fordelinga av aktive abonnement på ulike overføringskapasitetar. 3. kvartal 2002. Private abonnement

Halvparten aktive abonnement

For 3. kvartal 2002 offentleggjer Statistisk sentralbyrå også tal for aktive Internett-abonnement. Aktive abonnement er abonnement som har vore i bruk i det siste kvartalet. Breibandsabonnement, som det gjerne fakturerast for månadleg, vert utan unntak rekna som aktive. Det tyder at ein i dei lågare overføringskapasitetane får skilt ut abonnement som har blitt oppretta for ei tid tilbake og som ikkje lenger er i bruk. Dette gjev eit rettare bilete av Internett-bruken i landet.

Ved utgangen av 3. kvartal 2002 var det vel 3,1 millionar Internett-abonnement totalt i Noreg. Berre halvparten av desse kan reknast som aktive abonnement.

Analogt modem mest vanleg i bedriftsmarknaden

Av alle aktive bedriftsabonnement er 10 prosent breiband, og av privatabonnementa er 7 prosent breiband. Abonnement med tilkopling via analogt modem og ISDN utgjer høvesvis 71 og 17 prosent av alle aktive abonnement i bedriftsmarknaden. For privatmarknaden utgjer desse abonnementstypane kvar for seg rundt 44 prosent av Internett-abonnement som er i bruk.

Privatmarknaden. Abonnement med breiband (overføringskapasitet over 384 kbit/s) i prosent av folketalet. 3. kvartal 2002. Kommune

Regional fordeling

Abonnementstala vert denne gongen også fordelt på kommunar. 280 av landets 434 kommunar har få (under 10) eller ingen breibandsabonnement. Den geografiske utbreiinga av breiband er mellom anna knytt til høvet til å ta i bruk teknologiar som kabel, ADSL eller liknande.

Nokre kommunar er sjølve leverandørar av Internett-tilgang. Eit eksempel er Modalen kommune der alle hushaldningane i kommunen har tilgang til breiband. Denne type abonnement er ikkje inkludert i statistikken.

Både privatpersonar og bedrifter kan teikne fleire Internett-abonnement, likeeins kan fleire privatpersonar bruke eit abonnement. Talet på abonnement er difor ikkje det same som talet på hushaldningar/bedrifter med Internett-tilgang. For breidband er det likevel grunn til å tro at det er eit tilnærma ein-til-ein tilhøve mellom abonnement og hushaldning. Difor visar vi breibandsabonnement i prosent av hushaldningane i kommunane.

Kommunar med flest private breibandsabonnement ved
utgangen av 3. kvartal 2002 i høve til hushaldningane
november 2001. Berre basert på data frå kommersielle
Internett-leverandørar (Retta 29.08.2003)
Kommunar Breibandsabonnement i prosent av hushaldningar
Landsgjennomsnitt 5,0
   
1233 Ulvik 18,9
0219 Bærum 13,9
1601 Trondheim 11,3
1234 Granvin 10,4
1833 Rana 10,3
0301 Oslo 10,2
1201 Bergen 9,9
1502 Molde 9,9
0217 Oppegård 9,8
1871 Andøy 9,0
0706 Sandefjord 8,2
0220 Asker 8,1
1902 Tromsø 8,0
2021 Karasjohka-Karasjok 7,9
0230 Lørenskog 7,9
1804 Bodø 7,8
1103 Stavanger 7,1
0231 Skedsmo 7,1
0215 Frogn 7,0
0233 Nittedal 6,9

Det er ein samanheng mellom kommunanes sentralitet og talet på breibandsabonnement. I dei mest sentrale kommunane (SSBs Standard for kommuneklassifisering) er det flest breibandsabonnement i høve til hushaldningar.

Private breibandsabonnement 3. kvartal 2002 fordelt etter kommunane si sentralitetskode
(Retta 29.08.2003)
Sentralitet1 Hushaldningar november 2001 Breibandsabonnement Breibandsabonnement i prosent av hushaldningar
Minst sentrale kommunar  263 027 1 869 0,7
Mindre sentrale kommunar  140 423 2 536 1,8
Noko sentrale kommunar  490 057 18 823 3,8
Sentrale kommunar 1 068 078 89 340 8,4
1  Standard for kommuneklassifisering. Statistisk sentralbyrå 1994 (NOS C 192).

For meir informasjon sjå i "Om statistikken".

1 Artikkelen er retta og ny versjon publisert 29. august 2003.

Tabeller: