13722_not-searchable
/teknologi-og-innovasjon/statistikker/inet/arkiv
13722
Meir enn halvparten i alle fylka har breiband
statistikk
2007-12-18T10:00:00.000Z
Teknologi og innovasjon;Svalbard
no
inet, Internett-målinga (avslutta i Statistisk sentralbyrå), breibandsabonnement, overføringskapasitet, overføringshastigheit, bedriftsmarknad, privatmarknadTeknologi og innovasjon, Informasjons- og kommunikasjonsteknologi - IKT, Teknologi og innovasjon, Svalbard
false

Internett-målinga (avslutta i Statistisk sentralbyrå), 2007

Innhald

Publisert:

Du er inne i ei arkivert publisering.

Gå til den nyaste publiseringa

Meir enn halvparten i alle fylka har breiband

Det var 1 411 000 breibandsabonnement ved utgangen av 3. kvartal 2007, 216 000 fleire enn i den same perioden i 2006. For fyrste gongen er talet på private breiband i høve til hushalda over 50 prosent i alle fylka.

Privatmarknaden. Breibandsabonnement (overføringskapasitet over 128 kbit/s) i prosent av hushalda. 3. kvartal 2007. Kommunar

Breibandsabonnement fordelt etter marknad. 3. kvartal 2002-3. kvartal 2007

Heile 1 270 000 av breidbandsabonnementa var private abonnement. I bedriftsmarknaden var det 141 000 abonnement. I privatmarknaden var auken på 18 prosent frå 3. kvartal 2006, medan auken i bedriftsmarknaden var på 17 prosent frå førre året. Desse tala tyder på at utviklinga med veikare vekst i mengda breibandsabonnement held fram.

Meir enn 50 private breiband per hundre hushald i alle fylka

Talet på private breiband i høve til hushalda er no over 50 prosent i alle fylka. Samstundes er det same talet for heile landet kome opp i 61,5 prosent. Rogaland er framleis fylket med flest breibandsabonnement i høve til hushalda, med 67 prosent. Finnmark er som før fylket med færrast breibandsabonnement, no med 51 prosent.

Justering av tala for raske breiband

Delen av breibandsabonnementa som har ein hastigheit over 8 Mbit/s ligg framleis på 6 prosent. Talet for Rogaland har gått noko ned det siste kvartalet, medan raske breiband har blitt vanlegare i fleire andre fylke.

Private breibandsabonnement fordelt etter kommunane si sentralitetskode. 3. kvartal 2007
Sentralitet1 Breibandsabonnement Breibandsabonnement i prosent av hushalda
Minst sentrale kommunar  133 518 52
Mindre sentrale kommunar 82 282 58
Noko sentrale kommunar  301 423 59
Sentrale kommunar  752 608 65
1  Standard for kommuneklassifisering (NOS C 192).

Sentrale kommunar med den høgaste delen breibandsabonnement

Deler ein inn kommunane etter Statistisk sentralbyrås standard for kommuneklassifisering, ser ein at dei sentrale kommunane har høgast del breibandsabonnement i høve til hushalda, med 65 prosent. Til samanlikning er det 52 prosent i dei minst sentrale kommunane som har breiband.

Berre Kvænangen i Troms har færre enn 20 private breibandsabonnement per 100 hushald. Talet på kommunar med mellom 20 og 35 slike abonnement per 100 hushald er no 15.

Det er 23 kommunar der det er meir enn 70 prosent breibandsabonnement i høve til hushalda. I både Rogaland og Akershus finn vi fem slike kommunar . Dei andre kommunane finn vi i Nord-Trøndelag, Hordaland, , Møre og Romsdal, Aust-Agder, Vestfold, Nordland og Oppland.

Kommunar med flest private breibandsabonnement ved utgangen av
3. kvartal 2007 i høve til hushalda
Kommunar Breibandsabonnement i prosent av hushalda
Landsgjennomsnitt 61,5
1252 Modalen 92,7
0941 Bykle 91,7
1121 Time 83,3
0544 øystre Slidre 78,5
1563 Sunndal 77,0
1729 Inderøy 76,7
1221 Stord 74,4
1122 Gjesdal 73,1
1804 Bodø 72,7
1124 Sola 72,5
0213 Ski 72,3
0228 Rælingen 72,3
0233 Nittedal 72,2
0706 Sandefjord 71,6
1742 Grong 71,4
1714 Stjørdal 71,3
1702 Steinkjer 71,1
0235 Ullensaker 70,8
1103 Stavanger 70,8
1232 Eidfjord 70,6
0217 Oppegård 70,5
1556 Frei 70,2
1102 Sandnes 70,0

Nokre få leverandørar manglar

Det manglar framleis nokre små, men lokalt viktige leverandørar av breiband i undersøkinga. Det gjeld særleg kabel-TV-selskap som også leverer Internett med breiband. Måten dei driftar anlegga sine på gjer det noko komplisert å få dei med i undersøkinga. Arbeidet med å gjera statistikken fullt ut dekkjande held fram. Nokre små feil i delinga av abonnentane mellom kommunar er oppdaga. Dette kan gjere store utslag på delen av abonnement i høve til hushalda i einskilde kommunar. Talet på hushald for 2007 er brukt for denne statistikken.

Abonnement

Både privatpersonar og bedrifter kan teikne fleire internettabonnement, likeins kan fleire privatpersonar bruke eitt abonnement. Talet på abonnement er difor ikkje det same som talet på hushald/bedrifter med internettilgang. Til dømes kan hushalda få internettilgang gjennom arbeidsgivar, utdanningsinstitusjon eller ved at fleire husstandar deler abonnement. Sjå undersøkinga " IKT i husholdningene " for tal på hushald med breibandstilgang der minst eitt av medlemma er under 75 år.

For meir informasjon sjå i ” Om statistikken ”.

Tabeller: