13718_not-searchable
/teknologi-og-innovasjon/statistikker/inet/arkiv
13718
To av tre hushald har breiband
statistikk
2008-06-19T10:00:00.000Z
Teknologi og innovasjon;Svalbard
no
inet, Internett-målinga (avslutta i Statistisk sentralbyrå), breibandsabonnement, overføringskapasitet, overføringshastigheit, bedriftsmarknad, privatmarknadTeknologi og innovasjon, Informasjons- og kommunikasjonsteknologi - IKT, Teknologi og innovasjon, Svalbard
false

Internett-målinga (avslutta i Statistisk sentralbyrå), 2008

Innhald

Publisert:

Du er inne i ei arkivert publisering.

Gå til den nyaste publiseringa

To av tre hushald har breiband

Nærare 65 prosent av alle norske hushald har no breiband, og fleire har breiband med høg hastigheit. 10 prosent av dei private breibandsabonnementa har ei hastigheit på over 8 Mbit/s, mot berre 2 prosent i bedriftsmarknaden.

Privatmarknaden. Breibandsabonnement (overføringskapasitet over 128 kbit/s) i prosent av hushalda. 1. kvartal 2008. Kommunar

Breibandsabonnement fordelt etter marknad. 3. kvartal 2002-1. kvartal 2008

Det var 1 515 000 breibandsabonnement ved utgangen av 1. kvartal 2008, 191 000 eller 14 prosent fleire enn i den same perioden i 2007.

Heile 1 364 000 av breidbandsabonnementa var private abonnement. I bedriftsmarknaden var det 151 000 abonnement. I dei to marknadene var auken på 15 og 13 prosent frå 1. kvartal 2007. Rekna i prosent er auken den lågaste som er målt både mot det førre året og det førre kvartalet.

Breiband i hushalda aukar over heile landet

Talet på private breiband i høve til hushalda har no kome opp i 64,8 prosent for heile landet. Akershus, Rogaland og Sør-Trøndelag er fylka med flest breibandsabonnement i prosent av hushalda, alle med om lag 70 prosent. Finnmark, Hedmark og Oppland har rundt 57 prosent.

Flest raske private breiband

Delen av dei private breibandsabonnementa som har ei hastigheit over 8 Mbit/s, er 10 prosent, mot berre 2 prosent av breibanda i bedriftsmarknaden. Delen med under 512 kbit/s er berre 1 prosent i privatmarknaden, mot heile 7 prosent i bedriftsmarknaden.

I privatmarknaden er det Rogaland og Nord-Trøndelag som har flest raske breiband, med 37 og 27 prosent. I bedriftsmarknaden er det Nord-Trøndelag som har høgast del med 8 prosent.

Private breibandsabonnement fordelt etter kommunane si sentralitetskode. 1. kvartal 2008
Sentralitet1 Breibandsabonnement      Breibandsabonnement
i prosent av hushalda
Minst sentrale kommunar  143 512 56
Mindre sentrale kommunar      86 774 60
Noko sentrale kommunar  317 958 63
Sentrale kommunar  808 464 68
1  Standard for kommuneklassifisering (NOS C 192).
Private breibandsabonnement fordelt etter kommunane si sentralitetskode. 1. kvartal 2008
Sentralitet1 Breibandsabonnement      Breibandsabonnement
i prosent av hushalda
Minst sentrale kommunar  109 506 56
Mindre sentrale kommunar      76 664 61
Noko sentrale kommunar  223 568 62
Sentrale kommunar  953 900 67
1  Sentralitet 2008, Kommuner 2008.

Sentrale kommunar har den høgaste delen breibandsabonnement

Skilnadene etter kommunane sin sentralitetsgrad er den same som før. Deler ein inn kommunane etter Statistisk sentralbyrås nye standard for kommuneklassifisering, ser ein at dei sentrale kommunane har høgast del breibandsabonnement i høve til hushalda med 67 prosent. Til samanlikning er det 56 prosent i dei minst sentrale kommunane som har breiband.

Berre kommunane Karlsøy, Balsfjord og Leka har no færre enn 30 private breibandsabonnement per 100 hushald. Talet på kommunar med under 35 slike abonnement per 100 hushald er no 6, mot 13 det førre kvartalet.

Det er ingen auke i talet på kommunar der det er meir enn 70 prosent breibandsabonnement i høve til hushalda. Det heng saman med auken i talet på hushald per 1. januar 2008.

Kommunar med flest private breibandsabonnement ved utgangen av 1. kvartal 2008 i høve til hushalda
Kommunar Breibandsabonnement i
prosent av husholda
Landsgjennomsnitt      64,8
0941 Bykle 93,3
1252 Modalen 91,5
1121 Time 88,1
0544 øystre Slidre 83,4
0219 Bærum 80,6
1563 Sunndal 77,5
1221 Stord 76,8
1804 Bodø 76,5
1122 Gjesdal 75,3
0228 Rælingen 75,2
0233 Nittedal 75,1
1601 Trondheim 75,1
0213 Ski 74,8
1130 Strand 74,4
1127 Randaberg 74,0
0706 Sandefjord 73,3
1103 Stavanger 73,2
0217 Oppegård 73,1
1502 Molde 73,1
1924 Målselv 72,8
0935 Iveland 72,3
1222 Fitjar 72,1

Om datagrunnlaget

Det manglar framleis nokre små, men lokalt viktige leverandørar av breiband i undersøkinga. Det gjeld særleg kabel-TV-selskap som også leverer Internett med breiband. Måten dei driftar anlegga sine på, gjer det litt komplisert å få dei med i undersøkinga. Nokre små feil i delinga av abonnentane mellom kommunar er oppdaga. Dette kan gjere store utslag på delen av abonnement i høve til hushalda i einskilde kommunar. Talet på hushald for 2008 er brukt i denne statistikken. For einskilde kommunar, som til dømes Verran, har talet på hushald auka frå 2007. Dette gjer at delen private breiband per hushald kan ha gått noko ned.

Statistisk sentralbyrå har laga ei ny klassifisering av kommunar etter sentralitet.

Både privatpersonar og bedrifter kan teikne fleire internettabonnement, likeins kan fleire privatpersonar bruke eit abonnement. Talet på abonnement er difor ikkje det same som talet på hushald/bedrifter med internettilgang. Til dømes kan hushalda få internettilgang gjennom arbeidsgivar, utdanningsinstitusjon eller ved at fleire husstandar deler abonnement. Sjå også undersøkinga " IKT i husholdningene ".

For meir informasjon sjå Om statistikken .

Tabeller: