13714_not-searchable
/teknologi-og-innovasjon/statistikker/inet/arkiv
13714
Fleire får breiband med fast tilgang
statistikk
2008-12-11T10:00:00.000Z
Teknologi og innovasjon;Svalbard
no
inet, Internett-målinga (avslutta i Statistisk sentralbyrå), breibandsabonnement, overføringskapasitet, overføringshastigheit, bedriftsmarknad, privatmarknadTeknologi og innovasjon, Informasjons- og kommunikasjonsteknologi - IKT, Teknologi og innovasjon, Svalbard
false

Internett-målinga (avslutta i Statistisk sentralbyrå), 2008

Innhald

Publisert:

Du er inne i ei arkivert publisering.

Gå til den nyaste publiseringa

Fleire får breiband med fast tilgang

Korrigerte tal viser at veksten i faste tilgangar til breiband held fram. To av tre norske hushald har slike tilgangar til Internett.

Breibandsabonnement fordelt etter marknad. 3. kvartal 2002-3. kvartal 2008

Privatmarknaden. Breibandsabonnement (overføringskapasitet over 128 kbit/s) i prosent av hushalda. 3. kvartal 2008. Kommunar

I Fastlands-Noreg var det 1 558 000 breibandsabonnement med faste tilgangar til Internett ved utgangen av 3. kvartal 2008, ein auke på 12 prosent i høve til same perioden i 2007. Heile 1 412 000 av breibandsabonnementa var private abonnement, medan bedriftsmarknaden hadde 147 000 abonnement. Frå og med dette kvartalet er dei mobile tilgangane med breiband til Internett fjerna frå tala. Tala tilbake til 3. kvartal 2006 er korrigerte slik at dei berre gjeld dei faste tilgangane.

Breiband i hushalda aukar over heile landet

Talet på private breiband i høve til hushalda er no kome opp i 67,1 prosent for heile landet. Akershus, Sør-Trøndelag, Oslo, Rogaland og Hordaland er fylka med flest breibandsabonnement i prosent av hushalda, alle med over 70 prosent. Finnmark, Hedmark og Oppland har under 60 prosent.

Flest raske private breiband

Delen av dei private breibandsabonnementa som har ein hastigheit over 8 Mbit/s, er 12 prosent. Berre 4 prosent av breibanda i bedriftsmarknaden har ein slik hastigheit. Delen med hastigheit under 512 kbit/s er under 1 prosent i privatmarknaden, mot 7 prosent i bedriftsmarknaden.

I privatmarknaden er det hushalda i Rogaland og Nord-Trøndelag som har flest raske breiband. Høvesvis 40 og 30 prosent av alle abonnentane i desse fylka har raske breiband.

Private breibandsabonnement fordelt etter kommunane si sentralitetskode. 3. kvartal 2008
Sentralitet1 Breibandsabonnement Breibandsabonnement
i prosent av hushalda
Minst sentrale kommunar  112 878 57
Mindre sentrale kommunar 78 755 63
Noko sentrale kommunar  230 175 64
Sentrale kommunar  989 488 69
1  Statistisk sentralbyrå har laga ei ny klassifisering av kommunar etter sentralitet.

Sentrale kommunar har den høgaste delen breibandsabonnement

Skilnadene etter kommunanes sentralitetsgrad er den same som før. Dei sentrale kommunane har høgast del breibandsabonnement i høve til hushalda, 69 prosent. Til samanlikning har 57 prosent i dei minst sentrale kommunane breiband.

Kommunane Karlsøy, Balsfjord, Lierne og Leka har færre enn 30 private breibandsabonnement per 100 hushald. Enda to kommunar har no under 35 slike abonnement per 100 hushald. Talet på kommunar med få breibandsabonnement har auka noko etter at dei mobile tilgangane ikkje lenger blir rekna med. Ser ein på fylka, er det i dei to fylka som ligg lågast i delen breiband i høve til hushalda at dei mobile tilgangane tydde mest. Det var likevel små skilnader i mobile abonnement mellom fylka.

Det er no 60 kommunar der det er meir enn 70 prosent breibandsabonnement i høve til hushalda, ein auke frå 56 kommunar det førre kvartalet.

Kommunar med flest private breibandsabonnement ved utgangen av 3. kvartal 2008 i høve til hushalda
Kommunar Breibandsabonnement
i prosent av husholda
Landsgjennomsnitt 67,1
0941 Bykle 93,8
1252 Modalen 90,8
1121 Time 86,7
1151 Utsira 86,7
0219 Bærum 86,2
0544 øystre Slidre 84,0
1046 Sirdal 82,5
0215 Frogn 81,4
1601 Trondheim 81,1
0213 Ski 80,7
0217 Oppegård 80,5
1018 Søgne 79,3
0228 Rælingen 78,4
1563 Sunndal 78,3
1221 Stord 77,9
1122 Gjesdal 77,7
0926 Lillesand 77,1
1244 Austevoll 76,8
1804 Bodø 76,8
1502 Molde 76,6
1130 Strand 76,5
0211 Vestby 76,4
1246 Fjell 76,0

Om datagrunnlaget

Dei mobile abonnementa er fjerna fordi denne delen av statistikken ikkje har vore fullstendig, og at desse abonnementa ikkje er mogeleg å fordela geografisk og etter hastigheit på same viset som med dei faste tilgangane. Post- og teletilsynet lagar statistikk også over dei mobile abonnementa, men utan omsyn til geografisk plassering og hastigheit.

Det manglar framleis nokre små, men lokalt viktige, leverandørar av breiband i undersøkinga. Det gjeld særleg kabel-TV-selskap som også leverer Internett med breiband. Måten dei driftar anlegga sine på, gjer det noko komplisert å få dei med i undersøkinga. Nokre små feil i delinga av abonnentane mellom kommunar er oppdaga. Dette kan gjere store utslag på delen av abonnement i høve til hushalda i einskilde kommunar. Talet på hushald for 2008 er brukt i denne statistikken.

Statistisk sentralbyrå har laga ein ny klassifisering av kommunar etter sentralitet.

Både privatpersonar og bedrifter kan teikne fleire internettabonnement, likeins kan fleire privatpersonar bruke eitt abonnement. Talet på abonnement er difor ikkje det same som talet på hushald/bedrifter med internettilgang. Til dømes kan hushalda få internettilgang gjennom arbeidsgivar, utdanningsinstitusjon eller ved at fleire husstandar deler abonnement. Sjå også undersøkinga IKT i husholdningene .

For meir informasjon sjå Om statistikken .

Tabeller: