13708_not-searchable
/teknologi-og-innovasjon/statistikker/inet/arkiv
13708
Svakare vekst i faste breiband
statistikk
2009-09-17T10:00:00.000Z
Teknologi og innovasjon;Svalbard
no
inet, Internett-målinga (avslutta i Statistisk sentralbyrå), breibandsabonnement, overføringskapasitet, overføringshastigheit, bedriftsmarknad, privatmarknadTeknologi og innovasjon, Informasjons- og kommunikasjonsteknologi - IKT, Teknologi og innovasjon, Svalbard
false

Internett-målinga (avslutta i Statistisk sentralbyrå), 2009

Innhald

Publisert:

Du er inne i ei arkivert publisering.

Gå til den nyaste publiseringa

Svakare vekst i faste breiband

Veksttakten i tala for abonnement på faste tilgangar til breiband gikk ned også i 2. kvartal i år. Den gjennomsnittlege hastigheita for private breibandsabonnement auka til 5,5 Mbit/s.

Datagrunnlaget for publiseringa for 1. og 2. kvartal 2009 viste seg å innehalde vesentlege feil. Det verka inn på hovudkonklusjonane i den opphavlege publiseringa. Alle tal og kommentarar er korrigerte i den nye publiseringa.

I Fastlands-Noreg var det 1 633 000 breibandsabonnement med faste tilgangar til Internett ved utgangen av 2. kvartal 2009. Dette er ein auke på 7 prosent i høve til same perioden i 2008. Samanlikna med førre kvartalet er det ein auke på 10 000 abonnement. Heile 1 476 000 av breibandsabonnementa var private, medan bedriftsmarknaden hadde 156 000 slike abonnement.

Breibandsabonnement fordelt etter marknad. 3. kvartal 2002-2. kvartal 2009

Private breibandsabonnement fordelt etter hastigheitsgruppe. Medianverdi og gjennomsnitt. 2. kvartal 2009

Svakare vekst i talet på raske private breiband

Delen av dei private breibandsabonnementa som har ein hastigheit over 8 Mbit/s var 19 prosent i 2. kvartal 2009, det same som det førre kvartalet. Det tilsvarande talet for bedriftsmarknaden er 6 prosent, det same som i 1. kvartal 2009.

I privatmarknaden er det hushalda i Rogaland og Nord-Trøndelag som har flest raske breiband,høvesvis 46 og 34 prosent av alle abonnentane.

Fleire superraske breiband med over 16 Mbit/s gjer at den gjennomsnittlege hastigheita aukar frå 5,4 til 5,5 Mbit/s. Medianverdien for private breiband fell likevel til 3,4 Mbit/s - frå 3,5 i 1. kvartal.

Svak vekst i breiband i høve til hushalda

Talet på private breiband i høve til hushalda er 69 prosent for heile landet, ein auke frå 68 prosent i førre kvartalet. Sør-Trøndelag, Akershus og Oslo er fylka med flest breibandsabonnement i prosent av hushalda - alle med over 74 prosent. Finnmark har stadig lågast breibandsdekning.

Privatmarknaden. Breibandsabonnement (overføringskapasitet over 128 kbit/s) i prosent av hushalda. 2. kvartal 2009. Kommunar

Private breibandsabonnement fordelt etter kommunane si sentralitetskode. 2. kvartal 2009 (Retta 26. oktober 2009)
Sentralitet1 Breibandsabonnement Breibandsabonnement i prosent av hushalda
Minst sentrale kommunar  116 814 59
Mindre sentrale kommunar 82 174 65
Noko sentrale kommunar  239 885 66
Sentrale kommunar 1 037 176 71
1  Sentralitet 2008, Kommunar 2008.

Sentrale kommunar har den høgaste delen breibandsabonnement

Skilnadene mellom kommunane etter sentralitetsgrad er den same som før. Dei sentrale kommunane har høgast del breibandsabonnement i høve til hushalda, med 71 prosent. Til samanlikning har 59 prosent i dei minst sentrale kommunane breiband.

Kommunar med flest private breibandsabonnement ved utgangen av 2. kvartal 2009 i høve til hushalda
(Retta 26. oktober 2009)
Kommunar Breibandsabonnement i prosent av husholda
Landsgjennomsnitt 68,9
0941 Bykle 92,7
0213 Ski 91,7
0926 Lillesand 91,7
0215 Frogn 91,1
1018 Søgne 88,2
1252 Modalen 87,2
1151 Utsira 85,4
1121 Time 85,3
0521 øyer 82,8
1601 Trondheim 82,3
1624 Rissa 82,3
1046 Sirdal 82,2
1232 Eidfjord 82,1
1528 Sykkylven 82,0
1640 Røros 81,3
1246 Fjell 80,2
1563 Sunndal 80,2
0217 Oppegård 80,1
1222 Fitjar 79,9
1264 Austrheim 79,3
1245 Sund 79,0
0228 Rælingen 78,6

Om utrekning av median og gjennomsnitt

Medianverdien er den verdien som delar populasjonen i to like store deler - dei med høgare og dei med lågare verdiar. I utrekninga av medianverdien er det føresett at abonnementa i hastigheitsgruppa 2-4 Mbit/s delar seg jamt på alle verdiane i gruppa. Ved utrekning av gjennomsnitt har ein føresett at dette gjeld også for kvar av dei andre gruppene.

Om datagrunnlaget

Dei mobile abonnementa er fjerna fordi denne delen av statistikken ikkje har vore fullstendig, og at desse abonnementa ikkje er mogeleg å fordela geografisk og etter hastigheit på same vis som med dei faste tilgangane. Post- og teletilsynet lagar statistikk også over dei mobile abonnementa, men utan omsyn til geografisk plassering og hastigheit.

Talet på leverandørar av breiband som gjev opplysningar til denne undersøkinga, har i dei siste to åra lege på om lag 200. Endringar i bransjen har gjort at talet har gått noko ned. Det siste kvartalet har 187 leverandørar gitt tal på abonnement. Det manglar framleis nokre små, men lokalt viktige leverandørar av breiband i undersøkinga. Det gjeld særleg kabel-TV-selskap som også leverer Internett med breiband. Måten dei driftar anlegga sine på, gjer det noko komplisert å få dei med i undersøkinga. Nokre små feil i delinga av abonnentane mellom kommunar er oppdaga. Dette kan gjere store utslag på delen av abonnement i høve til hushalda i einskilde kommunar. Talet på hushald for 2009 er brukt i denne statistikken.

Både privatpersonar og bedrifter kan teikne fleire internettabonnement, og likeins kan fleire privatpersonar bruke eitt abonnement. Talet på abonnement er difor ikkje det same som talet på hushald/bedrifter med internettilgang. Til dømes kan hushalda få internettilgang gjennom arbeidsgivar, utdanningsinstitusjon eller ved at fleire husstandar deler abonnement. Sjå også undersøkinga " IKT i husholdningene ".

For meir informasjon sjå Om statistikken .

Tabeller: