Innhald
Publisert:
Du er inne i ei arkivert publisering.
Menn styrer og leiar aksjeselskapa
Delen mannlege styrerepresentantar ligg på det same nivået som i tidlegare år. Vel åtte av ti styrerepresentantar i aksjeselskap er menn, medan mannsdelen er seks av ti i allmennaksjeselskap.
2014 | 2013 - 2014 | ||
---|---|---|---|
Antall | Andel | Endring i prosent | |
Styrerepresentantar i AS | |||
I alt | 506 792 | 100,0 | 4,3 |
Menn | 416 311 | 82,1 | 4,0 |
Kvinner | 90 481 | 17,9 | 5,4 |
Styrerepresentantar i ASA | |||
I alt | 1 400 | 100,0 | -9,0 |
Menn | 830 | 59,3 | -9,3 |
Kvinner | 570 | 40,7 | -8,5 |
Daglege leiarar i AS | |||
I alt | 200 683 | 100,0 | 5,7 |
Menn | 169 837 | 84,6 | 5,3 |
Kvinner | 30 846 | 15,4 | 7,6 |
Daglege leiarar i ASA | |||
I alt | 251 | 100,0 | -8,4 |
Menn | 235 | 93,6 | -8,9 |
Kvinner | 16 | 6,4 | 0,0 |
![Figur 1. Del kvinnelege styrerepresentantar i aksjeselskap. 1. januar 2004-2014 Figur 1. Del kvinnelege styrerepresentantar i aksjeselskap. 1. januar 2004-2014](/virksomheter-foretak-og-regnskap/statistikker/styre/aar/_image/180870.png?_encoded=2f66666666666678302f35382f&_ts=14665768688)
![Figur 2. Del kvinnelege daglege leiarar i aksjeselskap. 1. januar 2004-2014 Figur 2. Del kvinnelege daglege leiarar i aksjeselskap. 1. januar 2004-2014](/virksomheter-foretak-og-regnskap/statistikker/styre/aar/_image/180873.png?_encoded=2f66666666666678302f35382f&_ts=14665768e58)
72 prosent av aksjeselskapa (AS) hadde berre menn i styra. Åtte av ti styre med ein eller to styrerepresentantar bestod berre av menn. Dess større styret er, dess høgare er delen føretak som har både menn og kvinner i styret.
Få kvinner er daglege leiarar
Også fordelinga mellom mannlege og kvinnelege daglege leiarar er uendra. I aksjeselskapa er 15 prosent av dei daglege leiarane kvinner, medan talet for allmennaksjeselskap (ASA) er 6 prosent. Frå 2004 til 2014 auka delen kvinnelege leiarar i aksjeselskap med 2,4 prosentpoeng. I allmennaksjeselskapa er denne delen no 1,8 prosentpoeng høgare enn i 2004.
Høgast del kvinnelege leiarar i aksjeselskap finn vi innanfor næringane anna tenesteyting samt helse- og sosialtenester, med høvesvis 64 og 40 prosent. I byggje- og anleggsverksemd er berre 4 prosent av leiarane kvinner. I allmennaksjeselskap finn vi næringar utan kvinnelege leiarar, som for eksempel informasjon og kommunikasjon. Høgast del kvinnelege daglege leiarar finn vi innanfor transport og lagring der 17 prosent er leia av kvinner.
Vanlegast å vere dagleg leiar i eitt aksjeselskap
73 prosent av dei daglege leiarane driv eitt føretak, medan 21 prosent leiar to eller tre. 1 prosent av kvinnene og 6 prosent av mennene er daglege leiarar i fleire enn tre føretak.
Kontakt
-
Jimmy Wong
E-post: jimmy.wong@ssb.no
tlf.: 40 81 14 29