Innhald
Publisert:
Du er inne i ei arkivert publisering.
Menn styrer framleis aksjeselskapa
Fordelinga mellom mannlege og kvinnelege styrerepresentantar i aksjeselskap er uendra. Vel åtte av ti styrerepresentantar i aksjeselskapa er menn, medan dette talet er seks av ti i allmennaksjeselskap.
2016 | 2015 - 2016 | ||
---|---|---|---|
Antall | Andel | Endring i prosent | |
Styrerepresentantar i AS | |||
I alt | 547 547 | 100,0 | 3,7 |
Menn | 448 115 | 81,8 | 3,5 |
Kvinner | 99 432 | 18,2 | 4,4 |
Styrerepresentantar i ASA | |||
I alt | 1 277 | 100,0 | -3,0 |
Menn | 746 | 58,4 | -3,9 |
Kvinner | 531 | 41,6 | -1,7 |
Daglege leiarar i AS | |||
I alt | 219 342 | 100,0 | 4,3 |
Menn | 184 324 | 84,0 | 4,0 |
Kvinner | 35 018 | 16,0 | 6,0 |
Daglege leiarar i ASA | |||
I alt | 222 | 100,0 | -5,9 |
Menn | 206 | 92,8 | -7,6 |
Kvinner | 16 | 7,2 | 23,1 |
![Figur 1. Del kvinnelege styrerepresentantar i aksjeselskap. 1. januar Figur 1. Del kvinnelege styrerepresentantar i aksjeselskap. 1. januar](/virksomheter-foretak-og-regnskap/statistikker/styre/aar/_image/259765.png?_encoded=2f66666666666678302f35382f&_ts=1535f6dca00)
![Figur 2. Del kvinnelege daglege leiarar i aksjeselskap. 1. januar Figur 2. Del kvinnelege daglege leiarar i aksjeselskap. 1. januar](/virksomheter-foretak-og-regnskap/statistikker/styre/aar/_image/259764.png?_encoded=2f66666666666678302f35382f&_ts=1535f6dca00)
Dermed ligg delen kvinnelege styrerepresentantar i allmennaksjeselskap (ASA) på nivået som er fastsett i kravet om kjønnsrepresentasjon i ASA.
I aksjeselskapa (AS) er 18 prosent av styrerepresentantane kvinner. Den høgaste delen kvinner finn vi innanfor næringane lønt arbeid i private hushald med 78 prosent, anna tenesteyting med 53 prosent samt helse- og sosialtenester med 40 prosent av styrerepresentantane. Den høgaste delen mannlege styrerepresentantar er innanfor byggje- og anleggsverksemd med 91 prosent, og transport og lagring, samt bergverksdrift og utvinning med høvesvis 87 prosent
72 prosent av aksjeselskapa har berre mannlege styrerepresentantar. Dess større styret er, dess høgare er delen føretak som har både menn og kvinner i styret.
Få kvinner er daglege leiarar
Delen aksjeselskap som har ei kvinne som dagleg leiar ligg på 16 prosent. Kvinner leiar 65 prosent av aksjeselskapa innanfor anna tenesteyting og 43 prosent av aksjeselskapa innanfor helse- og sosialtenester.
Delen kvinnelege leiarar i allmennaksjeselskap er på 7,2 prosent. Denne delen auka med 2,6 prosentpoeng frå 2004 til 2016.
Vanlegast å vere dagleg leiar i eitt aksjeselskap
74 prosent av dei daglege leiarane i både aksjeselskap og allmennaksjeselskap driv eitt føretak, medan 21 prosent leiar to eller tre. 1 prosent av kvinnene og 5 prosent av mennene er daglege leiarar i fleire enn tre føretak.
Kontakt
-
Jimmy Wong
E-post: jimmy.wong@ssb.no
tlf.: 40 81 14 29