Innhald
Publisert:
Du er inne i ei arkivert publisering.
Størst del kvinner i styre og leiing i Nord-Noreg
Fordelinga mellom mannlege og kvinnelege styrerepresentantar i aksjeselskap har vore nesten uendra dei siste åra. Best er kvinnene representert i Finnmark der 23 prosent av styremedlemmane i aksjeselskapa er kvinner. Troms og Nordland følgjer deretter, kvar med 20 prosent.
2017 | 2016 - 2017 | ||
---|---|---|---|
Antall | Andel | Endring i prosent | |
Styrerepresentantar i AS | |||
I alt | 569 487 | 100,0 | 4,0 |
Menn | 464 624 | 81,6 | 3,7 |
Kvinner | 104 863 | 18,4 | 5,5 |
Styrerepresentantar i ASA | |||
I alt | 1 231 | 100,0 | -3,6 |
Menn | 713 | 57,9 | -4,4 |
Kvinner | 518 | 42,1 | -2,4 |
Daglege leiarar i AS | |||
I alt | 226 411 | 100,0 | 3,2 |
Menn | 189 737 | 83,8 | 2,9 |
Kvinner | 36 674 | 16,2 | 4,7 |
Daglege leiarar i ASA | |||
I alt | 213 | 100,0 | -4,1 |
Menn | 198 | 93,0 | -3,9 |
Kvinner | 15 | 7,0 | -6,3 |
![Figur 1. Del kvinnelege styrerepresentantar i aksjeselskap. 1. januar Figur 1. Del kvinnelege styrerepresentantar i aksjeselskap. 1. januar](/virksomheter-foretak-og-regnskap/statistikker/styre/aar/_image/298774/label/small.png?_encoded=2f66666666666678302f35382f&_ts=15aadcaf9c8)
![Figur 2. Del kvinnelege daglege leiarar i aksjeselskap. 1. januar Figur 2. Del kvinnelege daglege leiarar i aksjeselskap. 1. januar](/virksomheter-foretak-og-regnskap/statistikker/styre/aar/_image/298773.png?_encoded=2f66666666666678302f35382f&_ts=15aa3e062e0)
Snautt to av ti styrerepresentantar i aksjeselskapa er kvinner, medan dette talet er drygt fire av ti i allmennaksjeselskap. Dermed ligg delen kvinnelege styrerepresentantar i allmennaksjeselskap (ASA) på nivået som er fastsett i kravet om kjønnsrepresentasjon i ASA.
I aksjeselskapa (AS) er 18 prosent av styrerepresentantane kvinner. Delen er størst i dei tre nordlegaste fylka Finnmark, Troms og Nordland, med høvesvis 23, 20 og 20 prosent. Vest-Agder har den minste delen kvinnelege styrerepresentantar: 16 prosent.
Delen aksjeselskap som har ei kvinne som dagleg leiar, ligg på 16 prosent. Også her er det fylka i nord, i tillegg til hovudstaden, som har størst del kvinnelege daglege leiarar. Det er høvesvis 18,8 og 18,1 prosent i Finnmark og Nordland, og 17,8 prosent i både Troms og Oslo. Kvinner leiar 66 prosent av alle aksjeselskapa innanfor anna tenesteyting og 43 prosent av alle aksjeselskapa innanfor helse- og sosialtenester.
Delen kvinnelege leiarar i allmennaksjeselskap ligg på 7,0 prosent. Denne delen auka med 2,4 prosentpoeng frå 2004 til 2017.
Kontakt
-
Jimmy Wong
E-post: jimmy.wong@ssb.no
tlf.: 40 81 14 29