I undervisningsopplegget får elevane kunnskap om:
- Tema 1: Kor mange norske barn og unge er i fare for å vekse opp i fattigdom?
- Tema 2: Barn og unge og låginntekt i tre aldersgrupper, i store kommunar og etter innvandrarbakgrunn
- Tema 3: Kva kan låginntekt bety for livet til barn og unge?
Elevane får øving i å jobbe med statistikk om temaa gjennom oppgåveløysing.
De kan velje å bruke berre delar av opplegget.
Oppgåvene omfattar taloppgåver og refleksjonsoppgåver. Lærarar kan få fasit til taloppgåver ved å skrive til skole@ssb.no.
De vurderer sjølv når de ber elevane om å løyse oppgåver åleine, i par, i grupper og i heil klasse.
Dersom de har innspel på kva vi kan gjere betre i dette undervisningsopplegget, eller har andre tema de gjerne ser at SSB lagar opplegg om, så skriv til oss på skole@ssb.no.
- kjenne til inntekt som omgrep – kva er det?
- kjenne til kor stor del av barn og unge som lever med låginntekt i minst tre år
- lære å finne tal om temaet låginntekt for barn og unge i SSBs statistikk
- ha kjennskap til nokre moglege konsekvensar for barn og unge av å ha låginntekt
- kunne reflektere over kva låginntekt kan bety for livet til barn og unge
Opplegget er laga for elevar som har samfunnsfag på 10. trinn, samfunnsfag som fellesfag i vidaregåande skole, samfunnsøkonomi på 1. trinn eller sosiologi og sosialantropologi. Vi har teke utgangspunkt i desse kompetansemåla:
- Samfunnsfag (SAF01‑04), 10. trinn (udir.no): Vurdere korleis arbeid, inntekt og forbruk kan påverke personleg økonomi, levestandard og livskvalitet.
- Samfunnskunnskap vg1/vg2, Sak 01-01(udir.no): Innhente informasjon om ulike former for sosial ulikskap i Noreg og drøfte samanhengen mellom ulikskap og utanforskap.
- Samfunnsøkonomi, SOK01-03 (udir.no): Utforske og reflektere over kva som påverkar lønnsforskjellar, inntektsfordeling og økonomisk ulikskap, og korleis styresmaktene kan påverke dette.
- Sosiologi og sosialantropologi, POS04-01(udir.no): Reflektere over årsaker til marginalisering i samfunnet, og utforske og vurdere tiltak som kan motverke utanforskap og fremje inkludering.
Meld deg på nyheitsbrev og få tips om relevant innhold på ssb.no.
