13726_not-searchable
/teknologi-og-innovasjon/statistikker/inet/arkiv
13726
Breibandskartet snart utan kvite flekker
statistikk
2007-06-27T10:00:00.000Z
Teknologi og innovasjon;Svalbard
no
inet, Internett-målinga (avslutta i Statistisk sentralbyrå), breibandsabonnement, overføringskapasitet, overføringshastigheit, bedriftsmarknad, privatmarknadTeknologi og innovasjon, Informasjons- og kommunikasjonsteknologi - IKT, Teknologi og innovasjon, Svalbard
false

Internett-målinga (avslutta i Statistisk sentralbyrå), 2007

Innhald

Publisert:

Du er inne i ei arkivert publisering.

Gå til den nyaste publiseringa

Breibandskartet snart utan kvite flekker

Det var 1 336 000 breibandsabonnement ved utgangen av 1. kvartal 2007. Det var 267 000 fleire enn i same periode i 2006. Ni av ti har hastigheit over 1 Mbit/s. Berre to kommunar har under 20 prosent private breibandsabonnement i høve til hushalda.

Korrigerte tall for tabellane 1, 3 og 4 ble lagt ut 23.10.07. For korrekte tall i teksten, se vedleggstabeller.

Privatmarknaden. Breibandsabonnement (overføringskapasitet over 128 kbit/s) i prosent av hushalda. 1. kvartal 2007. Kommunar

Breibandsabonnement fordelt etter marknad. 3. kvartal 2002-1. kvartal 2007

Heile 1 202 000 av breidbandsabonnementa var private abonnement. I bedriftsmarknaden var det 134 000 abonnement. I privatmarknaden var auken på 25 prosent frå 1. kvartal 2006, medan auken i bedriftsmarknaden var på 27 prosent frå førre året.

Flest breibandsabonnement i høve til hushald i Vest-Agder

Dei geografiske skilnadene er stabile idet auken i abonnement deler seg på alle fylka. Vest-Agder er stadig fylket med flest breibandsabonnement i høve til hushalda, no med 70 prosent. Finnmark er i andre enden av fordelinga med 49 prosent. Det er ein auke på 5,7 prosentpoeng i Vest-Agder og 3,6 prosentpoeng i Finnmark.

Delen av breibandsabonnementa som har ein hastigheit over 1 Mbit/s har gått noko ned siste kvartalet til 87 prosent. For høgare hastigheiter, over 2 Mbit/s, er framleis dei geografiske skilnadene store. Her ligg Rogaland best til med 68 prosent av husstandane med breiband som har ein slik hastigheit. I Sør-Trøndelag har om lag 41 prosent av abonnentane dette.

Private breibandsabonnement fordelt etter kommunane
si sentralitetskode. 1. kvartal 2007
Sentralitet1 Breibandsabonnement Breibandsabonnement i prosent av hushalda
Minst sentrale kommunar  122 915 48
Mindre sentrale kommunar 75 633 53
Noko sentrale kommunar  283 813 56
Sentrale kommunar  719 022 64
1  Standard for kommuneklassifisering (NOS C 192).

Sentrale kommunar har høgast del breibandsabonnement i høve til hushald

Deler ein inn kommunane etter SSB sin Standard for kommuneklassifisering, ser ein at dei sentrale kommunane har høgast del breibandsabonnement i høve til hushalda med 64 prosent. Til samanlikning er det 48 prosent i dei minst sentrale kommunane som har breiband.

Berre Lierne i Nord-Trøndelag og Kvænangen i Troms har no færre enn 20 private breibandsabonnement per 100 hushald. For eit år sidan var 30 kommunar i same stilling. No har 32 kommunar mellom 20 og 35 slike abonnement per 100 hushald, mot 163 kommunar i 1. kvartal 2006.

Det er 14 kommunar kor det er meir enn 70 prosent breibandsabonnement i høve til hushalda. Fire av desse ligg i Rogaland. Dei andre kommunane finn vi i Hordaland, Vest-Agder, Akershus, Møre og Romsdal, Aust-Agder, Nordland og Oppland.

Det manglar framleis nokre små, men lokalt viktige leverandørar av breiband i undersøkinga. Det gjeld særleg kabel-TV-selskap som også leverer Internett med breiband. Måten dei driftar anlegga sine på gjer det noko komplisert å få dei med i undersøkinga. Arbeidet med å gjere statistikken fullt ut dekkjande held fram. Nokre små feil i delinga av abonnentane mellom kommunar er oppdaga. Dette kan gjere store utslag på delen av abonnement i høve til hushalda i einskilde kommunar.

Kommunar med flest private breibandsabonnement
ved utgangen av 1. kvartal 2007 i høve til hushalda
Kommunar       Breibandsabonnement i prosent av hushalda
Landsgjennomsnitt 59,0
1252 Modalen 95,2
0941 Bykle 92,1
1835 Træna 89,3
1121 Time 81,6
1001 Kristiansand 81,1
1018 Søgne 78,3
1563 Sunndal 76,2
0520 Ringebu 73,8
1221 Stord 72,0
1122 Gjesdal 71,3
1102 Sandnes 70,6
1124 Sola 70,4
0219 Bærum 70,1
0233 Nittedal 70,0
1103 Stavanger 69,3
1804 Bodø 69,3
1556 Frei 69,0
0213 Ski 68,5
1127 Randaberg 68,2
0906 Arendal 67,9
0217 Oppegård 67,8
1017 Songdalen 67,8
0220 Asker 67,4

Både privatpersonar og bedrifter kan teikne fleire internettabonnement, likeins kan fleire privatpersonar bruke eit abonnement. Talet på abonnement er difor ikkje det same som talet på hushald/bedrifter med internettilgang. Til dømes kan hushalda få internettilgang gjennom arbeidsgivar, utdanningsinstitusjon eller ved at fleire husstandar deler abonnement. Sjå undersøkinga " IKT i husholdningene ", for tal på hushald med breibandstilgang.

For meir informasjon , sjå ” Om statistikken ”.

Tabeller: