Innhald
Publisert:
Du er inne i ei arkivert publisering.
Arbeidsløyse på 3,4 prosent
I september var det 93 000 arbeidslause, som utgjorde 3,4 prosent av arbeidsstyrken.
September 2013 | Endring frå førre ikkje-overlappande tremånadersperiode | |
---|---|---|
13-månadersgjennomsnitt med namnet til midtarste månaden i perioden. | ||
Arbeidslause personar | 93 000 | 4 000 |
I prosent av arbeidsstyrken | 3,4 | 0,1 |
Sysselsette personar | 2 620 000 | 11 000 |
I prosent av befolkninga | 68,8 | 0,1 |
![Figur 1. Arbeidslause (AKU), registrerte arbeidslause og registrerte arbeidslause pluss arbeidsmarknadstiltak. Sesongjusterte tal, tremånaders glidande gjennomsnitt Figur 1. Arbeidslause (AKU), registrerte arbeidslause og registrerte arbeidslause pluss arbeidsmarknadstiltak. Sesongjusterte tal, tremånaders glidande gjennomsnitt](/arbeid-og-lonn/statistikker/akumnd/maaned/_image/150699.png?_encoded=2f66666666666678302f35382f&_ts=14294cbfd90)
![Figur 2. Sesongjustert arbeidsløyse i utvalde land. I prosent av arbeidsstyrken Figur 2. Sesongjustert arbeidsløyse i utvalde land. I prosent av arbeidsstyrken](/arbeid-og-lonn/statistikker/akumnd/maaned/_image/150704.png?_encoded=2f66666666666678302f35382f&_ts=14294cc1118)
![Figur 3. Sysselsette (AKU). Sesongjusterte tal og trend. Tremånaders glidande gjennomsnitt Figur 3. Sysselsette (AKU). Sesongjusterte tal og trend. Tremånaders glidande gjennomsnitt](/arbeid-og-lonn/statistikker/akumnd/maaned/_image/150702.png?_encoded=2f66666666666678302f35382f&_ts=14294cc0948)
![Figur 4. Arbeidslause (AKU). Sesongjusterte tal og trend. Tremånaders glidande gjennomsnitt. Prosent av arbeidsstyrken Figur 4. Arbeidslause (AKU). Sesongjusterte tal og trend. Tremånaders glidande gjennomsnitt. Prosent av arbeidsstyrken](/arbeid-og-lonn/statistikker/akumnd/maaned/_image/150701.png?_encoded=2f66666666666678302f35382f&_ts=14294cc0560)
Ifølgje sesongjusterte tal frå arbeidskraftundersøkinga (AKU) gjekk arbeidsløyseprosenten opp med 0,1 prosentpoeng frå juni (gjennomsnitt av mai-juli) til september (gjennomsnitt av august-oktober), men denne auken er innanfor feilmarginen .
Dei sesongjusterte tala frå AKU viser ein auke på 4 000 i talet på arbeidslause frå juni til september, men dette er som nemnt innanfor feilmarginen. Talet på registrerte arbeidslause og ordinære tiltaksdeltakarar hos NAV gjekk til samanlikning opp med 2 000 personar i den same perioden. Også dette talet er sesongjustert og eit gjennomsnitt av tre månader.
Fleire sysselsette
Justert for sesongvariasjonar viser AKU at det var 11 000 fleire sysselsette i september enn i juni. Auken er innanfor feilmarginen, men i tråd med utviklinga gjennom 2013. Dei sysselsette utgjorde 68,8 prosent av befolkninga i alderen 15-74 år, opp 0,1 prosentpoeng frå juni.
Arbeidsløysa opp i Danmark
I september utgjorde dei arbeidslause 7,1 prosent av arbeidsstyrken i Danmark, opp 0,3 prosentpoeng frå juni. I Sverige gjekk arbeidsløysa opp med 0,1 prosentpoeng i den same perioden, til 8,0 prosent i september. I Tyskland var arbeidsløysa 5,2 prosent i september, ned 0,1 prosentpoeng frå juni. I Frankrike gjekk utviklinga andre vegen, opp frå 10,9 prosent i juni til 11,1 prosent i september. I EU15 samla gjekk arbeidsløysa opp med 0,1 prosentpoeng i den same perioden, til 11,3 prosent i september. I USA gjekk arbeidsløysa derimot ned, frå 7,6 prosent i juni til 7,2 prosent i september.
Statistikken blir no publisert saman med Arbeidskraftundersøkelsen.
Kontakt
-
Arbeidsmarked og lønn
E-post: arbeidsmarked@ssb.no
-
Erik Herstad Horgen
E-post: erik.horgen@ssb.no
tlf.: 93 08 68 62