Innhald
Publisert:
Du er inne i ei arkivert publisering.
Arbeidsløysa 3,3 prosent
I april var det 90 000 arbeidslause, som svarer til 3,3 prosent av arbeidsstyrken.
April 2014 | Endring frå førre ikkje-overlappande tremånadersperiode | |
---|---|---|
13-månadersgjennomsnitt med namnet til midtarste månaden i perioden. | ||
Arbeidslause personar | 90 000 | -5 000 |
I prosent av arbeidsstyrken | 3,3 | -0,2 |
Sysselsette personar | 2 633 000 | 8 000 |
I prosent av befolkninga | 68,6 | 0,0 |
![Figur 1. Arbeidslause (AKU), registrerte arbeidslause og registrerte arbeidslause pluss arbeidsmarknadstiltak. Sesongjusterte tal, tremånaders glidande gjennomsnitt Figur 1. Arbeidslause (AKU), registrerte arbeidslause og registrerte arbeidslause pluss arbeidsmarknadstiltak. Sesongjusterte tal, tremånaders glidande gjennomsnitt](/arbeid-og-lonn/statistikker/akumnd/maaned/_image/184653.png?_encoded=2f66666666666678302f35382f&_ts=146cdb7a0b0)
![Figur 2. Sesongjustert arbeidsløyse i utvalde land. I prosent av arbeidsstyrken Figur 2. Sesongjustert arbeidsløyse i utvalde land. I prosent av arbeidsstyrken](/arbeid-og-lonn/statistikker/akumnd/maaned/_image/184654.png?_encoded=2f66666666666678302f35382f&_ts=146cdb7b050)
![Figur 3. Sysselsette (AKU). Sesongjusterte tal og trend. Tremånaders glidande gjennomsnitt Figur 3. Sysselsette (AKU). Sesongjusterte tal og trend. Tremånaders glidande gjennomsnitt](/arbeid-og-lonn/statistikker/akumnd/maaned/_image/184656.png?_encoded=2f66666666666678302f35382f&_ts=146cdb7bff0)
![Figur 4. Arbeidslause (AKU). Sesongjusterte tal og trend. Tremånaders glidande gjennomsnitt. Prosent av arbeidsstyrken Figur 4. Arbeidslause (AKU). Sesongjusterte tal og trend. Tremånaders glidande gjennomsnitt. Prosent av arbeidsstyrken](/arbeid-og-lonn/statistikker/akumnd/maaned/_image/184655.png?_encoded=2f66666666666678302f35382f&_ts=146cdb7b820)
Ifølge arbeidskraftundersøkinga (AKU) var den sesongjusterte arbeidsløysa på 3,3 prosent i april (gjennomsnitt av mars-mai), ned 0,2 prosentpoeng frå januar (gjennomsnitt av desember-februar). Endringa er innanfor feilmarginen .
AKU viser at det sesongjusterte talet på arbeidslause gjekk ned med 5 000 frå januar til april. Talet på registrerte arbeidslause og ordinære tiltaksdeltakarar hos NAV gjekk til samanlikning ned med 1 000 i løpet av den same perioden. Også dette talet er sesongjustert og eit gjennomsnitt av tre månader.
Stabil sysselsetting
Ifølge AKU gjekk det sesongjusterte talet på sysselsette opp med 8 000 frå januar til april. Denne endringa er isolert sett innanfor feilmarginen, men likevel i tråd med utviklinga det siste året. Frå april 2013 til april 2014 har det sesongjusterte talet på sysselsette auka med 38 000. I april 2014 utgjorde dei sysselsette 68,6 prosent av befolkninga i alderen 15-74 år. Dette var uendra både frå januar det same året og frå april året før.
Talet på sysselsette har berre variert innanfor feilmarginen sidan hausten 2013. I løpet av dette halvåret har likevel trenden vore auke i talet på sysselsette blant dei i alderen 25-74 år og små endringar eller nedgang blant dei under 25 år.
Arbeidsløysa ned i USA
I USA utgjorde dei arbeidslause 6,3 prosent av arbeidsstyrken i april, ned 0,3 prosentpoeng frå januar. USA har hatt ein gradvis nedgang i arbeidsløysa dei siste åra, frå eit nivå på 9-10 prosent i 2010-2011. Arbeidsløyseprosenten i EU15 var også 9-10 prosent i desse to åra, men der gjekk arbeidsløysa opp til rundt 11 prosent i 2013. Sidan byrjinga av 2014 har det vore ein liten nedgang. I april 2014 var arbeidsløysa i EU15 10,7 prosent, ned 0,1 prosentpoeng frå januar.
I Danmark gjekk arbeidsløysa ned frå 7,0 prosent i januar til 6,5 prosent i april. I Sverige gjekk arbeidsløysa ned med 0,1 prosentpoeng i den same perioden, til 8,1 prosentpoeng i april.
Statistikken blir no publisert saman med Arbeidskraftundersøkelsen.
Kontakt
-
Arbeidsmarked og lønn
E-post: arbeidsmarked@ssb.no
-
Erik Herstad Horgen
E-post: erik.horgen@ssb.no
tlf.: 93 08 68 62