Innhald
Publisert:
Du er inne i ei arkivert publisering.
Uendra arbeidsløyse
I juli var det 94 000 arbeidslause, som svarer til 3,4 prosent av arbeidsstyrken.
Juli 2014 | Endring frå førre ikkje-overlappande tremånadersperiode | |
---|---|---|
13-månadersgjennomsnitt med namnet til midtarste månaden i perioden. | ||
Arbeidslause personar | 94 000 | 2 000 |
I prosent av arbeidsstyrken | 3,4 | 0,0 |
Sysselsette personar | 2 644 000 | 13 000 |
I prosent av befolkninga | 68,7 | 0,1 |
![Figur 1. Arbeidslause (AKU), registrerte arbeidslause og registrerte arbeidslause pluss arbeidsmarknadstiltak. Sesongjusterte tal, tremånaders glidande gjennomsnitt Figur 1. Arbeidslause (AKU), registrerte arbeidslause og registrerte arbeidslause pluss arbeidsmarknadstiltak. Sesongjusterte tal, tremånaders glidande gjennomsnitt](/arbeid-og-lonn/statistikker/akumnd/maaned/_image/197832.png?_encoded=2f66666666666678302f35382f&_ts=148a196f128)
![Figur 2. Sesongjustert arbeidsløyse i utvalde land. I prosent av arbeidsstyrken Figur 2. Sesongjustert arbeidsløyse i utvalde land. I prosent av arbeidsstyrken](/arbeid-og-lonn/statistikker/akumnd/maaned/_image/197828.png?_encoded=2f66666666666678302f35382f&_ts=148a196dda0)
![Figur 3. Sysselsette (AKU). Sesongjusterte tal og trend. Tremånaders glidande gjennomsnitt Figur 3. Sysselsette (AKU). Sesongjusterte tal og trend. Tremånaders glidande gjennomsnitt](/arbeid-og-lonn/statistikker/akumnd/maaned/_image/197833.png?_encoded=2f66666666666678302f35382f&_ts=148a196f510)
![Figur 4. Arbeidslause (AKU). Sesongjusterte tal og trend. Tremånaders glidande gjennomsnitt. Prosent av arbeidsstyrken Figur 4. Arbeidslause (AKU). Sesongjusterte tal og trend. Tremånaders glidande gjennomsnitt. Prosent av arbeidsstyrken](/arbeid-og-lonn/statistikker/akumnd/maaned/_image/197831.png?_encoded=2f66666666666678302f35382f&_ts=148a196ed40)
Ifølge arbeidskraftundersøkinga (AKU) var den sesongjusterte arbeidsløysa 3,4 prosent av arbeidsstyrken i juli (gjennomsnitt av juni-august). Dette var uendra frå april (gjennomsnitt av mars-mai). Det sesongjusterte talet på arbeidslause gjekk opp med 2 000 i løpet av denne perioden, men det er innanfor feilmarginen . Til samanlikning gjekk talet på registrerte arbeidslause og ordinære tiltaksdeltakarar hos NAV ned med 1 000 i den same perioden. Også dette talet er sesongjustert og eit gjennomsnitt av tre månader.
Stabil sysselsetting
Ifølge AKU var det 13 000 fleire sysselsette i juli enn i april, justert for sesongvariasjonar. Endringa er isolert sett innanfor feilmarginen, men likevel i tråd med utviklinga det siste året. Frå juli 2013 til juli 2014 har det sesongjusterte talet på sysselsette auka med 32 000. Denne auken kom blant dei over 24 år. I juli 2014 utgjorde dei sysselsette 68,7 prosent av befolkninga i aldersgruppa 15-74 år, opp 0,1 prosentpoeng frå april same år og ned 0,1 prosentpoeng frå juli året før.
Arbeidsløysa ned i Sverige
I Sverige gjekk den sesongjusterte arbeidsløysa ned frå 8,1 prosent i april til 7,8 prosent i juli. I same perioden gjekk arbeidsløysa i Danmark opp med 0,2 prosentpoeng, til 6,6 prosent. EU15 hadde ei arbeidsløyse på 10,5 prosent i juli, ned frå 10,6 prosent i april. Også i USA gjekk arbeidsløysa ned med 0,1 prosentpoeng, til 6,2 prosent i juli.
Statistikken blir no publisert saman med Arbeidskraftundersøkelsen.
Kontakt
-
Arbeidsmarked og lønn
E-post: arbeidsmarked@ssb.no
-
Erik Herstad Horgen
E-post: erik.horgen@ssb.no
tlf.: 93 08 68 62
-
Ole Sandvik
E-post: ole.sandvik@ssb.no
tlf.: 99 04 82 06