Innhald
Publisert:
Du er inne i ei arkivert publisering.
Arbeidsløysa på 4,5 prosent
Justert for sesongsvingingar var det 124 000 arbeidslause i juni. Dette utgjorde 4,5 prosent av arbeidsstyrken.
Juni 2015 | Endring frå førre ikkje-overlappande tremånadersperiode | |
---|---|---|
13-månadersgjennomsnitt med namnet til midtarste månaden i perioden. | ||
Arbeidslause personar | 124 000 | 8 000 |
I prosent av arbeidsstyrken | 4,5 | 0,3 |
Sysselsette personar | 2 653 000 | 11 000 |
I prosent av befolkninga | 68,2 | 0,1 |
![Figur 1. Arbeidslause (AKU), registrerte arbeidslause og registrerte arbeidslause pluss arbeidsmarknadstiltak. Sesongjusterte tal, tremånaders glidande gjennomsnitt Figur 1. Arbeidslause (AKU), registrerte arbeidslause og registrerte arbeidslause pluss arbeidsmarknadstiltak. Sesongjusterte tal, tremånaders glidande gjennomsnitt](/arbeid-og-lonn/statistikker/akumnd/maaned/_image/237606.png?_encoded=2f66666666666678302f35382f&_ts=14f5f6a9a50)
![Figur 2. Sesongjustert arbeidsløyse i utvalde land. I prosent av arbeidsstyrken Figur 2. Sesongjustert arbeidsløyse i utvalde land. I prosent av arbeidsstyrken](/arbeid-og-lonn/statistikker/akumnd/maaned/_image/237607.png?_encoded=2f66666666666678302f35382f&_ts=14f5f6a9a50)
![Figur 3. Sysselsette (AKU). Sesongjusterte tal og trend. Tremånaders glidande gjennomsnitt Figur 3. Sysselsette (AKU). Sesongjusterte tal og trend. Tremånaders glidande gjennomsnitt](/arbeid-og-lonn/statistikker/akumnd/maaned/_image/237608.png?_encoded=2f66666666666678302f35382f&_ts=14f5f6a9e38)
![Figur 4. Arbeidslause (AKU). Sesongjusterte tal og trend. Tremånaders glidande gjennomsnitt. Prosent av arbeidsstyrken Figur 4. Arbeidslause (AKU). Sesongjusterte tal og trend. Tremånaders glidande gjennomsnitt. Prosent av arbeidsstyrken](/arbeid-og-lonn/statistikker/akumnd/maaned/_image/237611.png?_encoded=2f66666666666678302f35382f&_ts=14f5f6aa220)
Ifølge sesongjusterte tal frå Arbeidskraftundersøkinga (AKU) gjekk arbeidsløysa opp med 8 000 personar frå mars (gjennomsnitt av februar-april) til juni (gjennomsnitt av mai-juli). Auken er innanfor feilmarginen i AKU, men likevel i tråd med ein stigande trend sidan mai 2014. I løpet av denne perioden har auken vore sterkast blant dei under 25 år, men det har også vore auke i arbeidsløysa blant dei i alderen 25-74 år, og særleg blant menn.
Talet på registrerte arbeidslause og ordinære tiltaksdeltakarar hos NAV gjekk opp med 4 000 frå mars til juni. Også dette talet er sesongjustert og eit gjennomsnitt av tre månader.
Små endringar i sysselsettinga
AKU viser at det sesongjusterte talet på sysselsette gjekk opp med 11 000 frå mars til juni, ei endring som er innanfor feilmarginen. I juni var 68,2 prosent av befolkninga i aldersgruppa 15-74 år sysselsette, opp med 0,1 prosentpoeng frå mars.
Arbeidsløysa ned i Danmark og Sverige
Ifølge sesongjusterte tal utgjorde dei arbeidslause i Danmark 6,0 prosent av arbeidsstyrken i juni, ned 0,3 prosentpoeng frå mars. Også i Sverige gjekk arbeidsløysa ned i perioden, der med 0,1 prosentpoeng til 7,4 prosent. I EU sett under eitt var arbeidsløysa på 9,6 prosent i juni, ned frå 9,7 prosent i mars.
Statistikken blir no publisert saman med Arbeidskraftundersøkelsen.
Kontakt
-
Arbeidsmarked og lønn
E-post: arbeidsmarked@ssb.no
-
Erik Herstad Horgen
E-post: erik.horgen@ssb.no
tlf.: 93 08 68 62