Registrerte arbeidsledige blant innvandrere (avsluttet i Statistisk sentralbyrå), 2. kvartal 1999

Ved utgangen av mai i år var det registrert 7 940 arbeidslause førstegenerasjonsinnvandrarar.

Grunna endringar i definisjonen av registrerte heilt arbeidslause frå 1999 har vi ikkje sikre endringstal for innvandrarar. Utrekningar som byggjer på Arbeidsdirektoratet si korrigering av brotet i tidsserien, tyder på at det var om lag 740 færre registrerte heilt arbeidslause innvandrarar 2. kvartal 1999 enn same kvartal året før.

Den registrerte arbeidsløyseprosenten ved utgangen av mai i år var høgst for innvandrarane frå Afrika, med 12,6 prosent, følgt av innvandrarane frå Aust-Europa og Asia med ei arbeidsløyse på om lag 9 prosent. Vestlege innvandrarar hadde ei arbeidsløyse på 2,4 prosent, berre to tidelar høgre enn folket generelt.

Den registrerte arbeidsløysa ved arbeidskontora var for innvandrarkvinner 5,5 prosent i mai i år, medan den for mannlege innvandrarar var 6,9 prosent.

Langt færre på tiltak

Talet på innvandrarar på ordinære arbeidsmarknadstiltak gjekk ned med heile 2 481 personar frå mai 1998 til mai 1999. Det svarar nesten til ei halvering. Ved utgangen av mai i år var det registrert 2 905 innvandrarar på ordinære arbeidsmarknadstiltak. Det er 28,5 prosent av alle på ordinære arbeidsmarknadstiltak.

Blant innvandrarane på ordinære arbeidsmarknadstiltak var 85 prosent i aldersgruppa 25-54 år medan 13 prosent var i aldersgruppa 16-24 år. Tilsvarande del i aldersgruppa 16-24 år blant alle på ordinære tiltak var 33 prosent.

Høg arbeidsløyse i Østfold og Sogn og Fjordane

Statistisk sentralbyrå reknar òg ut registrerte arbeidslause i prosent av alle innvandrarar i yrkesaktiv alder (16-74 år) og ikkje berre i prosent av arbeidsstyrken. Talet på registrerte arbeidslause ikkje-vestlege innvandrarar i prosent av alle innvandrarar 16-74 år var ved utgangen av mai i år høgst for dei busette i Østfold og Sogn og Fjordane og lågast for dei busette i Akershus og Troms.

Blant dei ikkje-vestlege innvandrarane er det dei busette i Troms som hadde den høgste prosenten på arbeidsmarknadstiltak i mai 1999. Ikkje-vestlege innvandrarar busette i Oslo, Akershus og Sogn og Fjordane hadde lågast tiltaksprosent.

Tabeller:

• Tabell 1 Registrerte heilt arbeidslause i alderen 16-74 år, etter landbakgrunn og kjønn. Absolutte tal og i prosent av arbeidsstyrken Utgangen av februar 1998, mai 1998, februar 1999 og mai 1999
• Tabell 2 Personar på ordinære arbeidsmarknadstiltak etter landbakgrunn og kjønn. Absolutte tal og i prosent av personar i alt 16-74 år. Utgangen av februar 1998, mai 1998, februar 1999 og mai 1999
• Tabell 3 Registrerte heilt arbeidslause og personar på ordinære arbeidsmarknadstiltak, etter landbakgrunn og tal år busett i Noreg. I prosent av personar i alt 16-74 år. Utgangen av mai 1998 og 1999
• Tabell 4 Registrerte arbeidslause, etter landbakgrunn og bustadfylke. Absolutte tal og i prosent av personar i alt 16-74 år. Utgangen av mai 1999
• Tabell 5 Registrerte på ordinære arbeidsmarknadstiltak, etter landbakgrunn og bustadfylke. Absolutte tal og i prosent av personar i alt 16-74 år. Utgangen av mai 1999