Skatterekneskap, oktober 2002

Det er særleg lågare oljeskattar som medverkar til reduksjonen i den totale skatteinngangen. Innbetalte skattar frå kontinentalsokkelen er hittil i år 86,2 milliardar kroner. Dette er ein nedgang på 13,6 prosent frå same periode i fjor, då det blei innbetalt 99,8 milliardar kroner. Dersom vi ser bort ifrå oljeskattane, har Fastlands-Noreg hatt ein skatteauke på 2,3 prosent.

For kommuneforvaltninga samla er det hittil i år innbetalt 72 milliardar kroner i skatt. Dette er 14,5 prosent, eller 12,2 milliardar kroner, lågare enn i same periode i fjor. Nedgangen har si årsak i at sjukehusa blei flytta over frå fylkeskommunane til staten 1. januar 2002. Fylkesskatten har hatt ein nedgang på meir enn 50 prosent i forhold til same periode i fjor. Skatteinntektene til kommunane har auka med 5,7 prosent i perioden januar-oktober 2002, noko som er 0,4 prosentpoeng lågare enn veksten for perioden januar-september.

Størst auke i Vestfold

Skatteinngangen fordelt på fylke syner at Vestfold har hatt den største auken samanlikna med tilsvarande periode i 2001, med ein vekst på 6,8 prosent. Østfold og Oslo har fått redusert skatteinngangen samanlikna med tilsvarande periode i fjor med høvesvis 0,1 og 2,9 prosent.

I samband med løpande inntektsutjamning som blei innført frå og med januar 2000, vil innbetalt og fordelt skatt kvar månad inngå i grunnlaget for utrekning av rammeoverføringane til kommunane. Informasjon om befolkningstala for dei ulike kommunane per 1. januar finst på lenka http://www.ssb.no/folkemengde/

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar-oktober 2000, 2001 og 2002. Millionar kroner
• Tabell 2 Skatterekneskapsstatistikk. Innbetalt og fordelt skatt. Januar-oktober 2001-2002. Millionar kroner
• Tabell 3 Skatterekneskapsstatistikk. Innbetalt og fordelt skatt. Januar-oktober 2002. Millionar kroner