Skatterekneskap, november 2002

Samla innbetaling frå ordinær skatt og særskatt på olje er så langt i år på 86,3 milliardar kroner. Dette er ein nedgang på 15,2 prosent frå same periode i fjor, då det blei innbetalt 101,8 milliardar kroner. Dersom vi ser bort ifrå oljeskattane, har Fastlands-Noreg hatt ein skatteauke på 3 prosent.

For kommuneforvaltninga samla er det hittil i år innbetalt 85,9 milliardar kroner i skatt. Dette er 16,4 prosent lågare enn i same periode i fjor. Nedgangen har mellom anna si årsak i at sjukehusa blei flytta over frå fylkeskommunane til staten 1. januar 2002. Fylkesskatten har hatt ein nedgang på 57 prosent i forhold til same periode i fjor. Skatteinntektene til kommunane har auka med 4,5 prosent i perioden januar-november 2002, noko som er 1,2 prosentpoeng lågare enn veksten for perioden januar-oktober.

Størst auke i Vestfold

Skatteinngangen fordelt på fylke syner at Vestfold har hatt den største auken samanlikna med tilsvarande periode i 2001, med ein vekst på 7,1 prosent. Oslo har fått redusert skatteinngangen med 2,2 prosent.

I samband med løpande inntektsutjamning som blei innført frå og med januar 2000, vil innbetalt og fordelt skatt kvar månad inngå i grunnlaget for utrekning av rammeoverføringane til kommunane. Informasjon om befolkningstala for dei ulike kommunane per 1. januar finst på lenka http://www.ssb.no/folkemengde/

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar-november. 2000, 2001 og 2002. Millionar kroner
• Tabell 2 Skatterekneskapsstatistikk. Innbetalt og fordelt skatt. Jjanuar-november. 2001-2002. Millionar kroner
• Tabell 3 Skatterekneskapsstatistikk. Innbetalt og fordelt skatt. Januar-november 2002. Millionar kroner