Skatterekneskap, mars 2003

Det er betalt inn 23 milliardar kroner i skatt på inntekt og formue til kommunane hittil i 2003. Dette er ein auke på 1,8 milliardar, eller 8,7 prosent, samanlikna med 2002. Samtidig har fylkesskatten hatt ein reduksjon på 1,9 milliardar. Det er innbetalt 44,9 milliardar kroner i medlemspremie og arbeidsgjevaravgift til folketrygda i perioden januar til og med mars 2003. Dette er 7,8 prosent meir enn i 2002.

Auke i fylkesvise skattetal

Fylkesfordelte tal syner at alle fylka har hatt ein auke i skatteinngangen samanlikna med same periode i 2002. Størst auke hadde Akershus, der skatteinnbetalingane auka med 11,3 prosent. Deretter følgjer Vest-Agder med 8,7 prosent. Med 0,3 prosent auke har Oslo hatt den lågaste skatteauken.

I samband med løpande inntektsutjamning som blei innført frå og med januar 2000, vil innbetalt og fordelt skatt kvar månad inngå i grunnlaget for utrekning av rammeoverføringane til kommunane. Informasjon om befolkningstala for dei ulike kommunane per 1. januar finst på lenka http://www.ssb.no/folkemengde/

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar - mars 2001, 2002 og 2003. Millionar kroner
• Tabell 2 Skatterekneskapsstatistikk. Innbetalt og fordelt skatt, januar - mars 2002 - 2003. Millionar kroner.
• Tabell 3 Skatterekneskapsstatistikk. Innbetalt og fordelt skatt. Januar - mars 2003. Millionar kroner