Skatterekneskap, april 2003

Hittil i år er det innbetalt 46,3 milliardar kroner i oljeskattar. Dette er ein auke på 2,9 prosent frå same periode i fjor, då det blei innbetalt 45 milliardar kroner. Arbeidsgjevaravgift og medlemspremie til folketrygda utgjer 46,3 milliardar kroner i dei fire første månadene i 2003. Dette er ein vekst på 6,7 prosent samanlikna med 2002.

For kommuneforvaltninga samla er det hittil i år innbetalt nærare 29,7 milliardar kroner. Dette er 3,5 prosent lågare enn same periode i fjor. Det er innbetalt 24,8 milliardar kroner i inntekts- og formuesskatt til kommunane, som er ein auke på 1,4 milliardar, eller 6,2 prosent, samanlikna med same periode i 2002.

Skatteinngangen fordelt på fylke syner at Akershus, Vest-Agder og Hordaland har hatt den største auken hittil i år med ein auke på meir enn 7 prosent. Oslo har hatt ein reduksjon i samla skatteinngang på 7,5 prosent frå 2002 til 2003.

I samband med løpande inntektsutjamning som blei innført frå og med januar 2000, vil innbetalt og fordelt skatt kvar månad inngå i grunnlaget for utrekning av rammeoverføringane til kommunane. Informasjon om befolkningstala for dei ulike kommunane per 1. januar finst på lenka http://www.ssb.no/folkemengde/

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar-april 2001, 2002 og 2003. Millionar kroner
• Tabell 2 Skatterekneskapsstatistikk. Innbetalt og fordelt skatt. Januar-april 2002-2003. Millionar kroner
• Tabell 3 Skatterekneskapsstatistikk. Innbetalt og fordelt skatt. Januar-april 2003. Millionar kroner