Skatterekneskap, november 2003

Fellesskatten til statsforvaltninga har til og med november hatt ein reduksjon frå 101,7 milliardar kroner i fjor til 98,5 milliardar i år. Dette er ein nedgang på 3,1 prosent. Til kommuneforvaltninga samla er det hittil i år betalt inn 91,8 milliardar kroner i skatt. Dette er 5,9 milliardar, eller 6,9 prosent, høgare enn i same periode i fjor. Arbeidsgjevaravgift og medlemspremie til Folketrygda utgjer 138,7 milliardar kroner til og med november 2003. Dette er ein vekst på 7,4 milliardar kroner, eller 5,7 prosent, samanlikna med 2002.

Størst auke i Vest-Agder

Skatteinngangen fordelt på fylke syner at Vest-Agder har hatt den største auken hittil i år med ein auke på 9,5 prosent. Stor skatteauke hadde også Hordaland og Sør-Trøndelag, med 7,4 prosent. Vestfold har som einaste fylke, hatt ein reduksjon i samla skatteinngang; ein nedgang på 1,8 prosent frå 2002 til 2003.

I samband med løpande inntektsutjamning som blei innført frå og med januar 2000, vil innbetalt og fordelt skatt kvar månad inngå i grunnlaget for utrekning av rammeoverføringane til kommunane. Informasjon om befolkningstala for dei ulike kommunane per 1. januar finst på lenka http://www.ssb.no/folkemengde/

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar-november 2001, 2002 og 2003. Millionar kroner
• Tabell 2 Skatterekneskapsstatistikk. Innbetalt og fordelt skatt, januar-november 2002-2003. Millionar kroner
• Tabell 3 Skatterekneskapsstatistikk. Innbetalt og fordelt skatt. Januar-november 2003. Millionar kroner