Skatterekneskap, desember 2003

Samla oljeskattar (både ordinær skatt og særskatt) utgjorde 97,4 milliardar kroner i 2003. Dette er ein auke på 12,4 prosent frå 2002, då oljeskattane utgjorde 86,6 milliardar. Oljeskattane blir betalte inn i etterskot, og endringar i valutakurs og oljepris er faktorar som slår ut på dei innbetalte skattane frå kontinentalsokkelen. Fastlands-Noreg utan oljeskattane har hatt ein inntektsauke på til saman 10,9 milliardar, eller 3,2 prosent.

Statsforvaltninga fekk redusert skatteinngangen i forhold til 2002 med 1,9 prosent, medan både folketrygda totalt og kommuneforvaltninga har auka inntektene sine, med høvesvis 5,6 og 6,6 prosent.

Skatt til primærkommunane utgjorde 76,4 milliardar kroner i 2003. Dette er ein auke på 6,3 prosent frå 2002, da skatten utgjorde 72,0 milliardar. Skatten til primærkommunane var likevel lågare enn overslaga frå Finansdepartementet. Dette var på 79,5 milliardar i samband med vedteke budsjett 2003, og blei justert ned til 78,6 milliardar i revidert nasjonalbudsjett for 2003.

Størst auke i Vest-Agder

Skatteinngangen fordelt på fylke syner at Vest-Agder hadde den største auken i 2003 med ein auke på 10,0 prosent. Vestfold hadde som einaste fylke ein reduksjon i samla skatteinngang, med ein nedgang på 1,6 prosent frå 2002 til 2003.

I samband med løpande inntektsutjamning som blei innført frå og med januar 2000, vil innbetalt og fordelt skatt kvar månad inngå i grunnlaget for utrekning av rammeoverføringane til kommunane. Informasjon om befolkningstala for dei ulike kommunane per 1. januar finst på lenka http://www.ssb.no/folkemengde/ .

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar-desember. 2001, 2002 og 2003. Millionar kroner
• Tabell 2 Skatterekneskapsstatistikk. Innbetalt og fordelt skatt. Januar-desember. 2002-2003. Millionar kroner
• Tabell 3 Skatterekneskapsstatistikk. Innbetalt og fordelt skatt. Januar-desember 2003. Millionar kroner