Skatterekneskap, januar 2004

For kommuneforvaltninga samla er det hittil i år betalt inn om lag 12 milliardar kroner i skatt. Dette er 1,3 milliardar, eller 11,8 prosent, høgare enn same periode i fjor. Av dette har fylkesskatten hatt ein auke på 0,9 milliardar kroner, eller 62,8 prosent, samanlikna med januar 2003, mens skatten til primærkommunane har auka med 0,4 milliardar eller 4,3 prosent.

Skatten som er innbetalt i januar månad 2004, gjeld skatteåret 2003. Den store prosentvise aukinga i fylkesskatten kjem av auke i skatteøren til fylkeskommunane frå 2002 til 2003, frå 1,9 prosent til 3,24 prosent. Den relativt sterke auken for fylkeskommunane var, i tillegg til opptrapping av skatteandelen, påverka av tekniske forhold i samband med sykehusreformen. For primærkommunane auka skatteøren i same periode frå 12,4 prosent til 13,0 prosent.

Total skatteinngang til staten var i januar på 10,6 milliardar. Dette er 1,4 milliardar, eller 11,8 prosent, lågare enn same periode i 2003. Av dette hadde fellesskatten til staten ein nedgang på 1,6 milliardar kroner.

I samband med løpande inntektsutjamning, som blei innført frå og med januar 2000, vil innbetalt og fordelt skatt kvar månad inngå i grunnlaget for utrekning av rammeoverføringane til kommunane. Informasjon om befolkningstala for dei ulike kommunane per 1. januar finst på lenka http://www.ssb.no/folkemengde/

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar 2002, 2003 og 2004. Millionar kroner
• Tabell 2 Skatterekneskapsstatistikk. Innbetalt og fordelt skatt, januar 2003 - 2004. Millionar kroner
• Tabell 3 Skatterekneskapsstatistikk. Innbetalt og fordelt skatt. Januar 2004. Millionar kroner