Skatterekneskap, mars 2011

Ein stor del av skattane betalt i mars var arbeidsgjevaravgift og skatt frå personlege skatteytarar. Her har det kome inn 154,2 milliardar kroner ved utgangen av mars i år. Dette er 9,4 milliardar kroner, eller 6,5 prosent, meir enn i tilsvarande periode i fjor. Kommuneforvaltninga har fått inn 41,2 milliardar kroner i skatt, og folketrygda har motteke totalt 71,9 milliardar kroner i perioden.

Samla innbetalingar til statsforvaltninga var på 69,4 milliardar kroner ved utgangen av mars. Dette er 9,6 milliardar meir enn det som var betalt ved utgangen av mars 2010.

Endring i inntektssystemet gir låg kommuneskatt

I mars ser vi ein stor auke i fellesskatt til staten og ein liten nedgang i kommuneskatten. Dette kjem av ei regelendring som gjeld frå inntektsåret 2011. Endringa inneber at skattøyra til kommunane er senka, og at satsen for fellesskatt til staten er auka. Kommunane får no inn mindre i skatt og meir i rammetilskot frå staten.

Tabeller:

• Tabell 1 Skatterekneskapsstatistikk. Innbetalt og fordelt skatt, etter ordning og art. Januar-mars. 2008, 2009 og 2010. Millionar kroner
• Tabell 2 Skatterekneskapsstatistikk. Fordelt skatt, etter fylke. Januar-mars. 2010 og 2011. Millionar kroner
• Tabell 3 Skatterekneskapsstatistikk. Fordelt skatt, etter kommune. Januar-mars 2011. Millionar kroner