Innhald
Publisert:
Du er inne i ei arkivert publisering.
Skatteauken held fram
Om lag 95 milliardar kroner blei betalt inn i skattar i mars månad. Dette er 5,1 prosent meir enn i mars i fjor. Ved utgangen av mars var det betalt inn 239,6 milliardar kroner i skattar til stats- og kommuneforvaltninga.
| Innbetalt og fordelt skatt hittil i år | Prosentvis endring fra fjoråret | |||
|---|---|---|---|---|
| Mars 2012 | Mars 2013 | Mars 2012 | Mars 2013 | |
| I alt | 231 867 | 239 590 | 9,4 | 3,3 |
| Ordinær skatt til staten | 9 227 | 9 340 | 31,6 | 1,2 |
| Ordinær skatt på oljeutvinning | 14 154 | 13 272 | 28,6 | -6,2 |
| Særskatt på oljeutvinning | 23 196 | 22 292 | 28,5 | -3,9 |
| Fellesskatt til staten | 65 260 | 66 716 | 4,4 | 2,2 |
| Ordinær skatt til fylkeskommunen (inkl. Oslo) | 7 476 | 7 966 | 5,8 | 6,6 |
| Ordinær skatt til primærkommunen | 35 025 | 37 581 | 2,5 | 7,3 |
| Medlemsavgift til folketrygda | 30 984 | 32 535 | 7,5 | 5,0 |
| Arbeidsgjevaravgift til Folketrygda | 45 962 | 49 834 | 6,8 | 8,4 |
| Skatt på utbytte til utanlandske aksjonærar | 582 | 52 | 158,7 | -91,1 |
Ved utgangen av mars hadde det kome inn 7,7 milliardar kroner meir i skatteinnbetalingar enn i fjor, totalt 239,6 millardar kroner. Dette er ein auke på 3,3 prosent. Dei personlege skattytarane auka sine skatteinnbetalingar med 6,5 prosent frå i fjor. Totalt har desse bidrege med 175,7 milliardar kroner til dei ulike skattekreditorane. Dei upersonlege skattytarane har bidrege med 63,7 milliardar kroner hittil i år, ein nedgang på 4,5 prosent frå 2012. Utbytte til utanlandske aksjonærar er i år knapt 9 prosent av det dei var i mars 2012.
7,2 prosent meir til kommuneforvaltninga
Kommuneforvaltningas del av inntekts- og formuesskatten er på 45,5 milliardar kroner hittil i år. Dette er 7,2 prosent, eller 3 milliardar kroner, meir enn i fjor. 37,6 milliardar kroner går til kommunane og 8 milliardar kroner går til fylka. Skatteinnbetalingane til kommunane og fylka voks med høvesvis 7,3 prosent og 6,5 prosent. Staten har motteke 76,1 milliardar kroner hittil i år. Dette er berre 2,1 prosent meir enn på same tid i fjor.
7 prosent meir til folketrygda
Folketrygda hadde ved utgangen av mars motteke 82,4 milliardar kroner. Dette kjem frå arbeidsgjevaravgift og medlemspremiar til folketrygda. 49,8 milliardar kroner kjem i form av arbeidsgjevaravgift. Dette er 8,4 prosent meir enn i fjor. Medlemspremiar til folketrygda voks med 5 prosent frå i fjor, til 32,5 milliardar kroner.
Kontakt
-
June Solås
E-post: june.solas@ssb.no
tlf.: 98 87 46 76
-
Bjørn Gran-Henriksen
E-post: bjorn.gran-henriksen@ssb.no
tlf.: 41 40 20 71