Innhald
Publisert:
Du er inne i ei arkivert publisering.
Låg skatteinnbetaling frå oljenæringa
Ved utgangen av oktober var det betalt 718,4 milliardar kroner i skatt i Noreg. Dette er ein auke på 3,2 prosent, eller 22,2 milliardar kroner, sett i høve til fjoråret. Den låge veksten kjem for ein stor del av ein reduksjon i skatteinntektene frå petroleumsverksemda.
| Innbetalt og fordelt skatt hittil i år | Prosentvis endring fra fjoråret | |||
|---|---|---|---|---|
| Oktober 2012 | Oktober 2013 | Oktober 2012 | Oktober 2013 | |
| I alt | 696 200 | 718 417 | 8,6 | 3,2 |
| Ordinær skatt til staten | 23 754 | 25 002 | 25,7 | 5,3 |
| Ordinær skatt på oljeutvinning | 71 952 | 68 648 | 13,5 | -4,6 |
| Særskatt på oljeutvinning | 119 135 | 113 745 | 14,7 | -4,5 |
| Fellesskatt til staten | 160 110 | 168 344 | 3,0 | 5,1 |
| Ordinær skatt til fylkeskommunen (inkl. Oslo) | 20 608 | 21 964 | 8,0 | 6,6 |
| Ordinær skatt til primærkommunen | 96 720 | 103 492 | 7,2 | 7,0 |
| Medlemsavgift til folketrygda | 85 231 | 89 862 | 7,4 | 5,4 |
| Arbeidsgjevaravgift til Folketrygda | 115 980 | 124 689 | 6,5 | 7,5 |
| Skatt på utbytte til utanlandske aksjonærar | 2 712 | 2 670 | 27,4 | -1,5 |
182,4 milliardar kroner har kome frå petroleumsverksemda hittil i år. Det er ein reduksjon på 4,5 prosent, eller 8,7 milliardar kroner, jamført med i fjor. 113,7 milliardar kroner kom frå særskatt på oljeinntekter og 68,7 milliardar kom frå ordinær skatt på olje. Desse to kategoriane falt såleis med høvesvis 4,5 og 4,6 prosent frå i fjor. Lågare skatteinnbetalingar frå oljenæringa i 2013 har dels samanheng med lågare estimert terminskatt på oljeinntekter for 2013, sett i høve til 2012.
Skatteinntektene frårekna oljeskattar auka med 6,1 prosent
Frårekna kontinentalsokkelen har skatteinntektene auka med 30,9 milliardar kroner, eller 6,1 prosent, jamført med i fjor. Dei totale skatteinntektene utanom kontinentalsokkelen for perioden januar-oktober, utgjorde dermed 536 milliardar kroner.
Størst prosentvis auke for kommuneforvaltninga og folketrygda
193,3 milliardar kroner blei betalt til statsforvaltninga i form av fellesskatt til staten, i tillegg til skatt på inntekt og formue. 214,6 milliardar blei betalt til folketrygda og 125,4 milliardar blei betalt til kommuneforvaltninga. Skatt på utbytte frå utanlandske aksjonærar stod for 2,7 milliardar. Det er kommuneforvaltninga og folketrygda som har vokse mest, med høvesvis 6,9 prosent og 6,6 prosent. Statsforvaltninga fekk 5,2 prosent meir jamført med same periode i fjor.
Kontakt
-
June Solås
E-post: june.solas@ssb.no
tlf.: 98 87 46 76
-
Bjørn Gran-Henriksen
E-post: bjorn.gran-henriksen@ssb.no
tlf.: 41 40 20 71