Innhald
Publisert:
Du er inne i ei arkivert publisering.
Framleis nedgang i skatteinnbetalingane
Innbetalingar frå personlege skattytarar auka i dei tre første kvartala i år. Samla skatteinnbetalingar har likevel gått ned på grunn av lågare innbetalingar av petroleumsskatt.
| Innbetalt og fordelt skatt hittil i år | Prosentvis endring fra fjoråret | |||
|---|---|---|---|---|
| September 2014 | September 2015 | September 2014 | September 2015 | |
| I alt | 672 538 | 652 983 | -2,1 | -2,9 |
| Ordinær skatt til staten | 23 861 | 23 304 | -4,5 | -2,3 |
| Ordinær skatt på utvinning av petroleum | 46 540 | 32 855 | -17,4 | -29,4 |
| Særskatt på utvinning av petroleum | 75 698 | 54 017 | -19,3 | -28,6 |
| Fellesskatt til staten | 171 937 | 171 601 | 0,1 | -0,2 |
| Ordinær skatt til fylkeskommunen (inkl. Oslo) | 22 483 | 23 566 | 3,3 | 4,8 |
| Ordinær skatt til primærkommunen | 104 574 | 109 948 | 2,0 | 5,1 |
| Medlemsavgift til folketrygda | 95 276 | 102 832 | 7,2 | 7,9 |
| Arbeidsgjevaravgift til Folketrygda | 128 695 | 133 642 | 3,6 | 3,8 |
| Skatt på utbytte til utanlandske aksjonærar | 3 474 | 1 219 | 30,2 | -64,9 |
Det meste av skatteinnbetalingane i september kom frå personlege skattytarar. Til no i år har dei betalt inn 506 milliardar kroner. Det er 22 milliardar, eller 4,5 prosent, meir enn i tilsvarande periode i fjor. Nesten all skatt til kommuneforvaltninga blir betalt gjennom denne ordninga. Veksten i desse innbetalingane har vore høgare i september enn i tidlegare månader. Til no i år er det betalt inn 134 milliardar til kommunar og fylkeskommunar. Dette er 6 milliardar kroner, eller 5,1 prosent, meir enn i tilsvarande periode i fjor.
Auken i innbetalingar frå personlege skattytarar svarar til om lag halvparten av nedgangen i betalingar frå upersonlege skattytarar, der innbetalingar av skatt på petroleumsutvinning inngår. Innbetalingar av petroleumsskatt har gått ned med 35 milliardar kroner frå dei tre første kvartala i fjor til dei tre første kvartala i år. På same tid har innbetalingar av fellesskatt frå upersonlege skattytarar gått ned med om lag 7 milliardar kroner.
Skatt på utbytte til utanlandske aksjonærar justertÅpne og lesLukk
Frå januar 2015 er skatt på utbytte til utanlandske aksjonærar korrigert på grunn av refusjonar til aksjonærar som er fritekne frå skatt på utbytte og aksjegevinst. Til no i år utgjer desse refusjonane om lag 1,3 milliardar kroner.
Kontakt
-
June Solås
E-post: june.solas@ssb.no
tlf.: 98 87 46 76
-
Bjørn Gran-Henriksen
E-post: bjorn.gran-henriksen@ssb.no
tlf.: 41 40 20 71