Innhald
Publisert:
Du er inne i ei arkivert publisering.
Vedvarande reduksjon i samla skatteinnbetalingar
Hittil i år er det betalt inn 515 milliardar kroner i skatt i Noreg. Det er ein reduksjon på 31 milliardar, eller 5,7 prosent, samanlikna med den same perioden i 2015.
| Innbetalt og fordelt skatt hittil i år | Prosentvis endring fra fjoråret | |||
|---|---|---|---|---|
| August 2015 | August 2016 | August 2015 | August 2016 | |
| I alt | 546 276 | 515 048 | -4,6 | -5,7 |
| Ordinær skatt til staten | 19 049 | 25 661 | -2,3 | 34,7 |
| Ordinær skatt på utvinning av petroleum | 32 855 | 16 332 | -29,3 | -50,3 |
| Særskatt på utvinning av petroleum | 54 017 | 25 715 | -28,6 | -52,4 |
| Fellesskatt til staten | 145 457 | 138 379 | -1,8 | -4,9 |
| Ordinær skatt til fylkeskommunen (inkl. Oslo) | 18 443 | 19 652 | 4,5 | 6,6 |
| Ordinær skatt til primærkommunen | 86 059 | 93 077 | 4,7 | 8,2 |
| Medlemsavgift til folketrygda | 80 139 | 84 627 | 7,7 | 5,6 |
| Arbeidsgjevaravgift til Folketrygda | 109 107 | 109 376 | 3,9 | 0,2 |
| Skatt på utbytte til utanlandske aksjonærar | 1 151 | 2 228 | ||
Samla innbetalte petroleumsskattar ligg framleis på det halve av nivået frå i fjor. Desse utgjer 42 milliardar kroner så langt i år, jamført med 87 milliardar i fjor. Dei reduserte innbetalingane frå oljesektoren står for størsteparten av nedgangen i samla skatteinnbetalingar. Ser ein på august isolert, utgjorde petroleumsskattane 8,6 milliardar kroner i år, mot 16,7 milliardar i 2015.
Innbetalingar frå personlege skattytarar fortset å auke
Personlege skattytarar har så langt i år betalt inn 414 milliardar kroner. Det er 14 milliardar kroner meir enn i det same tidsrommet i fjor. I den same perioden er innbetalingane frå upersonlege skattytarar, utanom petroleumsskattane, reduserte frå 59,3 milliardar til 58,7 milliardar.
Auka skatteinnbetalingar til kommuneforvaltninga
Kommuneforvaltninga har så langt teke imot skatteinnbetalingar på 113 milliardar kroner. Det svarer til ein auke på 8,2 milliardar, eller 7,9 prosent, sett i høve til året før. Innbetalingane til statsforvaltninga utgjer 164 milliardar, omtrent på nivå med i fjor. Innbetalingane til folketrygda ligg på 194 milliardar så langt i 2016, det vil seie 5 milliardar meir enn på same tid i fjor.
Endringar i skattesystemetÅpne og lesLukk
Frå 2016 er det gjort enkelte endringar i skattesystemet som påverkar fordelinga mellom skatteartane. Innføringa av trinnskatt og reduksjon i skattesatsen på alminneleg inntekt medfører at ordinær skatt til staten aukar, medan fellesskatt til staten går ned.
Tidspunkt for innbetaling av skattarÅpne og lesLukk
Innbetalingane for alle skatteartane eksklusiv petroleumskattane finn i hovudsak stad i månader med oddetal. Innbetalingane av petroleumskattar finn i hovudsak stad i månader med partal.
Kontakt
-
June Solås
E-post: june.solas@ssb.no
tlf.: 98 87 46 76
-
Bjørn Gran-Henriksen
E-post: bjorn.gran-henriksen@ssb.no
tlf.: 41 40 20 71