I statistikkbanken kan du velje mellom mange ulike tabellar og variablar. Du kan få ut mange interessante resultat frå statistikkbanken som du kan bruke anten i skolearbeidet eller i aktivitetar du er med i på fritida, og der fakta om samfunnet er viktig. Du kan lage dine eigne tabellar og figurar i statistikkbanken og eksportere dei til dømes til Excel.
Du kan lage ein tabell i statistikkbanken i desse tre hovudstega:
- Vel tabell
- Vel variablar
- Vis resultat
I denne videoen på omtrent 3,5 minutt får du ei kort innføring i statistikkbanken:
Hvordan lage tabell, figur og lagret spørring i Statistikkbanken (video på Vimeo.com)
Meir om korleis du vel variablar i statistikkbanken
Les først om korleis du vel variablar i statistikkbanken. Stopp når du kjem til avsnittet «Avansert søk».
Løys oppgåve A
No skal du løyse oppgåve A med fem spørsmål om SSBs namnestatistikk. Målet med oppgåva er at du lærer det mest grunnleggande for å kunne bruke statistikkbanken.
Gjer oppgåva åleine eller i små grupper, og ta ein gjennomgang i heil klasse midt i og/eller etterpå. Diskuter då det som de synest var vanskeleg å få til i statistikkbanken.
Fleire oppgåver
No er de ferdige med introduksjonen om statistikk, sentrale omgrep, tre viktige sentralmål og statistikkbanken, og de kan gjerne byrje å jobbe individuelt med oppgåver.
Det er same framgangsmåte for å finne tala i statistikkbanken for alle oppgåvene B–D i neste avsnitt som det var for oppgåva over.
