Korleis har samansettinga av Stortinget vore etter dei siste vala?

I Noreg vel vi nytt Storting kvart fjerde år. Dei som blir valde til Stortinget, representerer folket i Noreg og kjem frå ulike parti. Kva seier statistikken om korleis Stortinget er sett saman?

Vi ser av figurane 1a og 1b under korleis utviklinga har vore for partia som har stilt til stortingsval, både korleis veljaroppslutninga har utvikla seg, og kor mange mandat (representantar) kvart parti fekk på Stortinget etter vala. Arbeiderpartiet og Høgre har vore dei største partia med flest mandat på Stortinget etter vala i 2017 og 2021. Dei to partia fekk begge færre røyster og mandat i 2021 enn i 2017. Du kan sjølv sjå nærare på korleis utviklinga for dei ulike partia har vore ved å løyse oppgåvene A og B.

Kjelde: Stortingsvalet, Statistisk sentralbyrå