Kva for varer og tenester handlar Noreg med overfor utlandet? Handlar vi mest med varer, eller med tenester? Kva for land handlar vi mest med? Dette lærer du ved å svare på dei fire spørsmåla i denne oppgåva.
Sjå på tabelluttrekket over import og eksport av varer og tenester - statistikkbanktabell 10173. Kva vil du seie om storleiken på Noregs eksport av tenester i kroneverdi samanlikna med vareeksporten i perioden 2011–2022? Lag gjerne ein figur over utviklinga dersom du synest at det gjer det lettare å finne svara. Du kan for eksempel velje eit linjediagram i «Endre visning» i menyen i venstremargen i statistikkbanken.
Og kva skjedde med utanrikshandelen med kvar av kategoriane import av varer, import av tenester, eksport av varer, eksport av tenester under pandemien i 2019 og 2020? Bruk same tabelluttrekk som i oppgåve E2.
Sjå på figurane 6 og 7 for dei fem varene som var dei viktigaste eksport- og importvarene for Noreg i 2023. Kva vil du seie om skilnader mellom desse eksport- og importvarene med tanke på type vare og verdi i kroner?
